കൾചറൽ ഫോറം നാദാപുരം മണ്ഡലം കൺവെൻഷൻ കോഴിക്കോട് ജില്ല പ്രസിഡന്റ് സാദിഖ് ചെന്നാടൻ ഉദ്ഘാടനം ചെയ്യുന്നു
ദോഹ: സൗഹൃദ പ്രവാസത്തിന് കരുത്താവുക എന്ന പ്രമേയത്തിൽ കൾചറൽ ഫോറം നാദാപുരം മണ്ഡലം കമ്മിറ്റി കൺവെൻഷൻ സംഘടിപ്പിച്ചു. പരിപാടി കൾചറൽ ഫോറം കോഴിക്കോട് ജില്ല പ്രസിഡന്റ് സാദിഖ് ചെന്നാടൻ ഉദ്ഘാടനം ചെയ്തു.
പ്രവാസി സമൂഹത്തിന്റെ പ്രശ്നങ്ങൾ ഏറ്റെടുത്തു പ്രവർത്തിക്കാനും സാമൂഹിക സൗഹൃദം ശക്തിപ്പെടുത്താനും പ്രവർത്തകർ കൂടുതൽ കർമനിരതരാകണമെന്ന് ആവശ്യപ്പെട്ടു.
കൾചറൽ ഫോറം സ്റ്റേറ്റ് സെക്രട്ടറി അനീസ് മാള മുഖ്യപ്രഭാഷണം നടത്തി. മണ്ഡലത്തിൽനിന്നുള്ള സംസ്ഥാന, ജില്ല നേതാക്കളെ ചടങ്ങിൽ ആദരിച്ചു.
സംസ്ഥാന സമിതി അംഗം മുഹമ്മദ് റാഫി, കോഴിക്കോട് ജില്ല സെക്രട്ടറി ഹാരിസ് എന്നിവർ സംസാരിച്ചു. വെല്ഫെയര് പാര്ട്ടി നാദാപുരം മണ്ഡലം പ്രസിഡന്റ് ഷഫീഖ് പരപ്പുമ്മല് ഓണ്ലൈന് വഴി യോഗത്തെ അഭിസംബോധന ചെയ്തു.
മണ്ഡലം പ്രസിഡന്റ് സൈനുദ്ദീൻ നാദാപുരം അധ്യക്ഷത വഹിച്ചു. മണ്ഡലം സെക്രട്ടറി ആസിഫ് അടുക്കത്ത് സ്വാഗതവും ട്രഷറർ തസ്നീം അലി വാണിമേൽ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.