ദോഹ: അമീർ ശൈഖ് തമീം ബിൻ ഹമദ് ആൽഥാനിയുടെ സന്ദർശനത്തോടനുബന്ധിച്ച് ഖത്തറും ഇന്തോനേഷ്യയും തമ്മിൽ വിവിധ മേഖലകളിൽ സഹകരണ കരാറുകളിലും ധാരണാപത്രങ്ങളിലും ഒപ്പുവെച്ചു. ജക്കാർത്തയിലെ ബോഗോർ പ്രസിഡൻഷ്യൽ പാലസിൽ നടന്ന ചടങ്ങിൽ അമീറും ഇന്തോനേഷ്യൻ പ്രസിഡൻറ് ജോകോ വിദോദോയും സംബന്ധിച്ചു. രാഷ്ട്രീയ, സാമ്പത്തിക, സാമൂഹിക, സാംസ്കാരിക, വിനോദസഞ്ചാര, സാങ്കേതിക, കാർഷിക, വ്യാവസായിക, ബാങ്കിംഗ് മേഖലകളിൽ സഹകരണം ശക്തമാക്കുന്നതിന് ഖത്തർ–ഇന്തോനേഷ്യ സംയുക്ത സമിതി രൂപീകരിക്കുന്നതുമായി ബന്ധപ്പെട്ട ധാരണാപത്രത്തിൽ ഇരുരാഷ്ട്രങ്ങളും ഒപ്പുവെച്ചു. ഖത്തറും ഇന്തോനേഷ്യയും തമ്മിലുള്ള വ്യോമ സർവീസ് സംബന്ധിച്ച കരാർ ഒപ്പിടുന്നതിനും അമീർ സാക്ഷ്യം വഹിച്ചു.
ആരോഗ്യ മേഖലയിൽ വിവര കൈമാറ്റം, വിദഗ്ധരുടെയും സ്പെഷ്യലിസ്റ്റുകളുടെയും കൈമാറ്റം എന്നിവ സംബന്ധിച്ചും ഇരുരാഷ്ട്രങ്ങളും തമ്മിൽ ധാരണാപത്രത്തിൽ ഒപ്പുവെച്ചു. കായിക–യുവജന സഹകരണം ലക്ഷ്യം വെച്ചുള്ള ധാരണാപത്രത്തിലും വിദ്യാഭ്യാസ മേഖലയിൽ സഹകരണം മുൻനിർത്തിയുള്ള ധാരണാപ ത്രത്തിലും ഇരുരാഷ്ട്രങ്ങളിലെയും ബന്ധപ്പെട്ട വകുപ്പുകളും മന്ത്രാലയങ്ങളും തമ്മിൽ ഒപ്പുവെച്ചു.
ഇരുരാഷ്ട്രങ്ങളിൽ നിന്നുള്ള മന്ത്രിമാരും ഉന്നത വ്യക്തിത്വങ്ങളും ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.