ആസിഫി​െൻറ ധൈര്യം കാത്തുസൂക്ഷിച്ചു; എട്ട്​ വർഷം ആ ജീവിതം

ദോഹ: ‘ഇൗ പുഞ്ചിരിയും നിലച്ചു, മരണത്തിൽ നിന്ന്​ ജീവൻ കൊടുത്തൊരുവട്ടം എ​​​െൻറ ഹൃദയത്തിൽ ഞാൻ ചേർത്തുവെച്ചതാ യിരുന്നു രണ്ടായിരത്തി പത്ത്​ മുതൽ. ഞങ്ങളുടെ സ്​പോൺസറായ ബാവയെ (മുഹമ്മദ്​ റാഷിദ് ഖലീഫ അൽ ഖലീഫ) റബ്ബ്​ തിരിച്ചെടുത്തു. ഇന്നാ ലില്ലാഹി വ ഇന്നാ ഇലൈഹി റാജിയ​ുൻ’ വയനാട്​ മേപ്പാടി സ്വദേശിയായ ആസിഫ്​ ഷമീറി​​​െൻറ വാക്കുകളാണിത്​. കഴിഞ്ഞ ദിവസം ഫേസ്​ബുക്കിലാണ്​ ത​​​െൻറ സ്​പോൺസറുടെ മരണത്തെ തുടർന്ന്​ വികാര നിർഭര വാക്കുകളിൽ പോസ്​റ്റ്​ ചെയ്​തത്​. ഇന്ത്യയിൽ അടക്കം സ്ഥാനപതിയായി സേവനം അനുഷ്​ഠിച്ചിരുന്ന മുഹമ്മദ്​ റാഷിദ് ഖലീഫ അൽ ഖലീഫയുടെ മരണം ഇപ്പോഴും ആസിഫിന്​ പൂർണമായും ഉൾക്കൊള്ളാനായിട്ടില്ല. ത​​​െൻറ ജീവ​​​​െൻറ കഷ്​ണം നൽകി ഒരിക്കൽ ജീവിതത്തിലേക്ക്​ തിരികെ കൊണ്ടുവന്ന ബാവ എന്ന്​ സ്​നേഹപൂർവം വിളിച്ചിരുന്ന സ്​​േപാൺസറുടെ മരണത്തി​​​െൻറ വേദനയിലാണ്​ ഇപ്പോഴും.

2010ലാണ്​ ആ സംഭവം. വൃക്കകൾ പൂർണമായും പരാജയപ്പെട്ടതിനെ തുടർന്ന്​ മുഹമ്മദ്​ റാഷിദ് ഖലീഫ അൽ ഖലീഫ മരണത്തി​​​െൻറ വക്കിൽ നിൽക്കുന്നു. വൃക്ക നൽകാമെന്ന്​ പറഞ്ഞ ഒന്നു^ രണ്ട്​ പേരുടേത്​ ​േയാജിക്കുന്നില്ല. 1998ൽ ഖത്തറിൽ വന്നത്​ മുതൽ തനിക്ക്​ എല്ലാമെല്ലായിരുന്ന സ്​പോൺസറുടെ ജീവൻ രക്ഷിക്കുന്നതിന്​ ആസിഫ്​ സ്വമേധയ മുന്നോട്ടുവരികയായിരുന്നു. വൃക്ക യോജിച്ചതോടെ ഇറ്റലിയിൽ വെച്ചാണ്​ ശസ്​​ത്രക്രിയ നടന്നത്​. തുടർ ചികിത്സക​െളല്ലാം ഹമദ്​ ആശുപത്രിയിലായിരുന്നു. തന്നോടും കുടുംബത്തോടും വളരെ സ്​നേഹത്തിലായിരുന്നു മുഹമ്മദ്​ റാഷിദ് ഖലീഫ അൽ ഖലീഫയും കുടുംബവുമെന്ന്​ ആസിഫ്​ ‘ഗൾഫ്​ മാധ്യമ’ത്തോട്​ പറഞ്ഞു.
കഴിഞ്ഞ വർഷം അദ്ദേഹം കുടുംബവും വയനാട്ടിലെ വീട്ടിലും എത്തിയിരുന്നു. പെ​െട്ടന്നുണ്ടായ വിയോഗം ഇനിയും ഉൾക്കൊള്ളാനായിട്ടി​ല്ലെന്നും ആസിഫ്​ പറഞ്ഞു.

വൃക്ക ദാനം ചെയ്യുന്നതിന്​ കുടുംബത്തി​​​െൻറ പൂർണ പിന്തുണയുണ്ടായിരുന്നു. വൃക്ക നൽകുന്നതിൽ പേടിക്കേണ്ട കാര്യമൊന്നും ഇല്ല.
ശരീരം അൽപം ​ശ്രദ്ധിച്ചാൽ ​പ്രശ്​നങ്ങൾ ഒന്നും ഇല്ലെന്നും ക​ലാ ലോകത്തും സാന്നിധ്യം അറിയിച്ച ഇൗ മലയാളി പറയുന്നു. നാടകങ്ങളിലും ഹ്രസ്വ ചിത്രങ്ങളിലും അഭിനയിച്ചിട്ടുള്ള ആസിഫ്​, ഖത്തറിൽ നിർമിച്ച ‘ഉത്തരം പറയാതെ’ എന്ന ഫീച്ചർ സിനിമയിലും അഭിനയിച്ചിട്ടുണ്ട്​. ആൽബങ്ങൾക്ക്​ വേണ്ടി പാട്ടുകൾ എഴുതിയിട്ടുണ്ട്​. ജനുവരിയിൽ ആരംഭിക്കുന്ന സിനിമയിൽ അഭിനയിക്കാനിരിക്കുകയാണ്​.