ദോഹ: ദേശീയദിനത്തോടനുബന്ധിച്ച് നടന്ന ട്വന്റി20 ക്രിക്കറ്റ് മാച്ചില് ഖത്തര് സ്്റ്റാര്സിനെതിരെ വേള്ഡ് ഇലവന് ജയം. മൂന്ന് റണ്ണിനാണ് വേള്ഡ് ഇലവന് ഖത്തര് സ്റ്റാര്സിനെ കീഴടക്കിയത്.
ആദ്യം ബാറ്റ് ചെയ്ത വേള്ഡ് ഇലവന് 20 ഓവറില് ഏഴ് വിക്കറ്റ് നഷ്ടത്തില് 145 റണ് അടിച്ചു കൂട്ടി. വേള്ഡ് ഇലവന് നിരയില് അഫ്ഗാന് താരം നവറോസ് മംഗള് 23 പന്തില് നിന്ന് 42 റണ്സെടുത്തു. മൂന്ന് സിക്സറുകളടങ്ങുന്നതായിരുന്നു നവറോസിന്െറ ഇന്നിംഗ്സ്.
ഗാലറിയില് തിങ്ങിനിറഞ്ഞ കാണികളെ ആവേശം കൊള്ളിച്ച് പാക്കിസ്ഥാന് താരം ശാഹിദ് അഫ്രീദിയുടെ വെടിക്കെട്ടു സിക്സറുകളും വേള്ഡ് ഇലവന് തുണയേകി. രണ്ട് സിക്സറും മൂന്ന് ഫോറുമാണ് അഫ്രീദി നേടിയത്.
മറുപടി ബാറ്റിംഗിനിറങ്ങിയ ഖത്തര് ഇലവന് മികച്ച തുടക്കമാണ് നല്കിയതെങ്കിലും പാക് താരം സഈദ് അജ്മലിന്െറ മികച്ച ബൗളിംഗിന് മുന്നില് ഖത്തര് സ്റ്റാര്സ് തകര്ന്നടിഞ്ഞു. നാല് ഓവറില് 29 റണ്സ് വഴങ്ങി നാല് വിക്കറ്റുകളാണ് അജ്മല് നേടിയത്. ഖത്തര് നിരയില് ഉമര് അക്മല്, ഫൈസല് എന്നിവര് 22 റണ് വീതം നേടി. സഈദ് അജ്മലാണ് മാന് ഓഫ് ദി മാച്ച്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.