മസ്കത്ത്: പരിസ്ഥിതി സംരക്ഷണത്തിനുള്ള യുനെസ്കോയുടെ ഇൗ വർഷത്തെ സുൽത്താൻ ഖാബൂ സ് പുരസ്കാരം ഇന്ത്യൻ സ്ഥാപനത്തിന്. ബംഗളൂരു കേന്ദ്രമായുള്ള അശോക ട്രസ്റ്റ് ഫോർ റ ിസർച് ഇൻ ഇക്കോളജി ആൻഡ് ദ എൻവയൺമെൻറ് ആണ് പരസ്കാരത്തിന് അർഹമായതെന്ന് ഒമാൻ പരിസ്ഥിതി കാലാവസ്ഥകാര്യ മന്ത്രാലയം അറിയിച്ചു.
പരിസ്ഥിതിയെ സംരക്ഷിക്കാൻ കമ്യൂണിറ്റി തലത്തിലടക്കം നടത്തുന്ന പ്രവർത്തനങ്ങൾ മുൻനിർത്തിയാണ് അശോക ട്രസ്റ്റിനെ ജൂറി അവാർഡിനായി തെരഞ്ഞെടുത്തത്. സുസ്ഥിര വികസനത്തിനും ജനങ്ങൾക്ക് ഉപജീവനമാർഗങ്ങൾ സൃഷ്ടിക്കാനും വിവിധ പ്രദേശങ്ങളിൽ നടത്തുന്ന പ്രവർത്തനങ്ങളും അവാർഡിൽ പരിഗണിച്ചു.
രണ്ടു വർഷത്തിലൊരിക്കലാണ് യുനൈറ്റഡ് നേഷൻസ് എജുക്കേഷനൽ, സയൻറിഫിക് ആൻഡ് കൾചറൽ ഒാർഗനൈസേഷൻ പുരസ്കാരം നൽകുന്നത്.
സുൽത്താൻ ഖാബൂസ് ബിൻ സഇൗദ് സംഭാവനയായി നൽകിയ തുക ഉപയോഗിച്ചാണ് അവാർഡ് ഏർപ്പെടുത്തിയിരിക്കുന്നത്. 2017ൽ നാഷനൽ പാർക്ക്സ് ബോർഡ് ഒാഫ് സിംഗപ്പുർ ആണ് അവാർഡിന് അർഹമായത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.