ബുറൈമി: മയക്കുമരുന്നുമായി ഒമാനിലേക്ക് പ്രവേശിച്ച മൂന്ന് ഏഷ്യൻ പൗരന്മാർ പിടിയിലായി. ബുറൈമി ഗവർണറേറ്റ് വഴി രാജ്യത്തേക്ക് പ്രവേശിച്ച ഇവർ ഖുറയ്യാത്ത് വിലായത്തിലെ കടൽത്തീരത്ത് ഒളിപ്പിച്ചുവെച്ച ക്രിസ്റ്റൽ മെത്ത്, ഹഷീഷ് എന്നിവ പൊലീസ് കണ്ടെത്തുകയായിരുന്നു.
തീരപ്രദേശങ്ങളിലൂടെ മയക്കുമരുന്ന് കടത്താനും ഒളിപ്പിക്കാനും അന്താരാഷ്ട്ര മയക്കുമരുന്ന് ശൃംഖലയുടെ സഹായത്തോടെയാണ് സംഘം പദ്ധതി ആസൂത്രണം ചെയ്തതെന്ന് അന്വേഷണത്തിൽ കണ്ടെത്തി. പ്രതികൾക്കെതിരെ നിയമനടപടികൾ പുരോഗമിക്കുന്നതായും മയക്കുമരുന്ന് ബന്ധപ്പെട്ട കുറ്റകൃത്യങ്ങൾ തടയാനും പൊതു സുരക്ഷ ഉറപ്പാക്കാനും അധികൃതരുടെ ശക്തമായ പ്രതിബദ്ധത തുടരുമെന്നും മയക്കുമരുന്ന് തടയുന്നതിനായുള്ള ഡയറക്ടറേറ്റ് ജനറൽ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.