സൂർ: അർബുദ ബോധവത്കരണത്തിെൻറ ഭാഗമായി സൂറിൽ കൂട്ടനടത്തം സംഘടിപ്പിച്ചു. ഒമാൻ കാൻസർ അസോസിയേഷൻ സൂർ ഘടകത്തിെൻറ നേതൃത്വത്തിലാണ് പരിപാടി സംഘടിപ്പിച്ചത്. സൂർ കപ്പൽ മ്യൂസിയത്തിൽനിന്ന് തൂക്കുപാലം വരെ നടന്ന കൂട്ട നടത്തത്തിൽ സ്വദേശികളും വിദേശികളുമായ നിരവധി പേർ പങ്കെടുത്തു, ഒമാൻ കാൻസർ അസോസിയേഷൻ പ്രസിഡൻറ് ഡോ. വാഹിദ് അൽ ഖറൂസി, സൂർ ഗവർണർ ശൈഖ് അബ്ദുല്ല അൽ മുസൈക്കി സാലിം ഷിമാസ്, വിവിധ സർക്കാർ വകുപ്പിലെ ഉയർന്ന ചുമതലക്കാർ തുടങ്ങിയവർ പങ്കെടുത്ത ചടങ്ങിൽ ഇന്ത്യൻ സമൂഹത്തിനെ പ്രതിനിധാനംചെയ്ത് സൂർ ഇന്ത്യൻ സോഷ്യൽ ക്ലബ് പ്രവർത്തകരുടെ നേതൃത്വത്തിൽ നിരവധി ഇന്ത്യക്കാരും പങ്കാളികളായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.