മത്ര: ലോക്ഡൗൺ മൂലം ദുരിതമനുഭവിക്കുന്ന മത്ര സൂഖിലെ മലയാളികൾക്ക് സോഷ്യൽ ഫോറം മത്ര അവശ്യ സാധനങ്ങളടങ്ങിയ പെരുന്നാൾ കിറ്റുകൾ വിതരണം ചെയ്തു. നാലര മാസത്തോളമായി അടഞ്ഞു കിടക്കുന്ന മത്ര സൂഖിലെ തൊഴിലാളികൾക്ക് തുണയായത് സന്നദ്ധ സംഘടനകളുടെ സേവനമായിരുന്നു. ലോക്ഡൗൺ തുടക്കത്തിലും, റമദാനിലും, ചെറിയ പെരുന്നാളിനും സോഷ്യൽ ഫോറം മത്ര ഘടകം ബുദ്ധിമുട്ടനുഭവിക്കുന്നവർക്ക് സഹായങ്ങൾ നൽകിയിരുന്നു. ഒരു മാസത്തേക്ക് ആവശ്യമായ അവശ്യ വസ്തുക്കളുടെ കിറ്റുകൾ, രോഗികൾക്കുള്ള മരുന്നുകൾ, അർഹരായ തെരഞ്ഞെടുത്ത ചിലരുടെ നാട്ടിലെ കുടുംബങ്ങൾക്ക് വേണ്ട സഹായം, മാനസിക സമ്മർദം അനുഭവിക്കുന്നവർക്കുള്ള കൗൺസലിങ് കോൾ സെൻററുകൾ തുടങ്ങിയ സഹായങ്ങളാണ് സോഷ്യൽഫോറം നൽകിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.