മസ്കത്ത്: ഹൈമക്ക് സമീപം അൽ ഗഫ്തൈനിലുണ്ടായ വാഹനാപകടത്തിൽ ഒമാനി പൗരൻ മരിച്ചു. സുൽത്താൻ സഈദ് ബിൻ തൈമൂർ റോഡിൽ വാഹനം നിയന്ത്രണം വിട്ട് മറിഞ്ഞുണ്ടായ ദാരുണമായ വാഹനാപകടത്തിൽ നാലു പേർക്ക് പരിക്കേറ്റതായി റോയൽ ഒമാൻ പൊലീസ് അറിയിച്ചു.
ബിദ്ബിദ് സ്വദേശിയായ പൗരനാണ് മരിച്ചത്. ഹൈമ ആശുപത്രിയിൽ സൂക്ഷിച്ചിരുന്ന മൃതദേഹം ആർ.ഒ.പി ഏവിയേഷൻ വിഭാഗം വ്യോമമാർഗം ബിദ്ബിദിൽ എത്തിച്ച് ബന്ധുക്കൾക്ക് കൈമാറി. പരിക്കേറ്റവരെ സിവിൽ ഡിഫൻസ് ആൻഡ് ആംബുലൻസ് അതോറിറ്റി സംഘം പ്രാഥമിക ശുശ്രൂഷ നൽകി വിദഗ്ദ്ധ ചികിത്സക്കായി നിസ്വ ആശുപത്രിയിലേക്കും ഖൗല ആശുപത്രിയിലേക്കും മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.