ഒ​മാ​ന്‍റെ വി​ദേ​ശ ന​യം: സം​ഭാ​ഷ​ണ​ത്തി​ലും പ​ര​സ്പ​ര ബ​ഹു​മാ​ന​ത്തി​ലും അ​ധി​ഷ്ഠി​തം -സ​യ്യി​ദ് ബ​ദ​ർ

മ​സ്ക​ത്ത്: ഐ​ക്യ​രാ​ഷ്ട്ര​സ​ഭ​യു​ടെ 79ാമ​ത് സ​മ്മേ​ള​ന​ത്തോ​ട​നു​ബ​ന്ധി​ച്ച് ന​ട​ന്ന ഫ്യൂ​ച്ച​ർ ഉ​ച്ച​കോ​ടി​യി​ൽ ഒ​മാ​ൻ പ​​ങ്കെ​ടു​ത്തു. ഒ​മാ​ൻ പ്ര​തി​നി​ധി സം​ഘ​ത്തെ വി​ദേ​ശ​കാ​ര്യ മ​ന്ത്രി സ​യ്യി​ദ് ബ​ദ​ർ ബി​ൻ ഹ​മ​ദ് അ​ൽ ബു​സൈ​ദി​യാ​ണ് ന​യി​ച്ച​ത്. ഫ്യൂ​ച്ച​ർ ഉ​ച്ച​കോ​ടി ആ​വ​ശ്യ​പ്പെ​ടു​ന്ന പൊ​തു ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​നു​ള്ള മാ​ർ​ഗ​മാ​യി ബ​ഹു​മു​ഖ പ്ര​വ​ർ​ത്ത​ന​ത്തി​നും അ​ന്താ​രാ​ഷ്ട്ര സ​ഹ​ക​ര​ണ​ത്തി​നും ഒ​മാ​ന്‍റെ ശ​ക്ത​മാ​യ പ്ര​തി​ബ​ദ്ധ​ത ഉ​ദ്ഘാ​ട​ന പ്ര​സം​ഗ​ത്തി​ൽ സ​യ്യി​ദ് ബ​ദ​ർ ആ​വ​ർ​ത്തി​ച്ചു.

സം​ഭാ​ഷ​ണം, യാ​ഥാ​ർ​ഥ്യം, പ​ര​സ്പ​ര ബ​ഹു​മാ​നം എ​ന്നി​വ​യാ​ണ് ഒ​മാ​ൻ വി​ദേ​ശ ന​യ​ത്തി​ൽ സ്വീ​ക​രി​ച്ചി​രി​ക്കു​ന്ന അ​ടി​സ്ഥാ​ന ത​ത്ത്വങ്ങ​ളെ​ന്ന് അ​ദ്ദേ​ഹം ഊ​ന്നി​പ്പ​റ​ഞ്ഞു. ഇ​ന്ന് ലോ​കം അ​ഭി​മു​ഖീ​ക​രി​ക്കു​ന്ന സ​ങ്കീ​ർ​ണ​വും പ​ര​സ്പ​ര​ബ​ന്ധി​ത​വു​മാ​യ ആ​ഗോ​ള പ്ര​തി​സ​ന്ധി​ക​ളെ അ​ഭി​സം​ബോ​ധ​ന ചെ​യ്യു​ന്ന​തി​ന് ആ​വ​ശ്യ​മാ​യ അ​ടി​ത്ത​റ​യാ​യാ​ണ് ഈ ​മൂ​ല്യ​ങ്ങ​ളെ കാ​ണു​ന്ന​ത്.

ഇ​ത് പ്രോ​ത്സാ​ഹി​പ്പി​ക്കു​ന്ന​തി​ൽ ഐ​ക്യ​രാ​ഷ്ട്ര​സ​ഭ​യെ​പ്പോ​ലു​ള്ള എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന പ്ലാ​റ്റ്‌​ഫോ​മു​ക​ൾ ഒ​ഴി​ച്ചു​കൂ​ടാ​നാ​വാ​ത്ത​താ​ണ്. എ​ന്നാ​ൽ, ഗ​സ്സ​യി​ൽ ന​ട​ന്നു​കൊ​ണ്ടി​രി​ക്കു​ന്ന യു​ദ്ധം സ്ഥി​തി​ഗ​തി​ക​ൾ എ​ത്ര​ത്തോ​ളം ദു​ർ​ബ​ല​മാ​യി​രി​ക്കു​ന്നു എ​ന്ന​തി​ന്‍റെ വ്യ​ക്ത​മാ​യ ഓ​ർ​മ​പ്പെ​ടു​ത്ത​ലാ​ണെ​ന്നും അ​ദ്ദേ​ഹം പ​റ​ഞ്ഞു.

അ​ക്ര​മം വ​ർ​ധി​ക്കു​ന്ന​തും സാ​ധാ​ര​ണ​ക്കാ​രു​ടെ ദു​രി​ത​ങ്ങ​ളും സ​മാ​ധാ​ന ശ്ര​മ​ങ്ങ​ളു​ടെ ത​ക​ർ​ച്ച​യും ബ​ഹു​മു​ഖ​ത്വ​ത്തി​ന്‍റെ​യും നി​യ​മ​വാ​ഴ്ച​യു​ടെ​യും ത​ത്ത്വങ്ങ​ളെ വെ​ല്ലു​വി​ളി​ക്കു​ന്നു. ഇ​ന്ന​ത്തെ ബ​ഹു​ധ്രു​വ​ലോ​ക​ത്തി​ന് അ​നു​യോ​ജ്യ​മാ​യ, കൂ​ടു​ത​ൽ തു​റ​ന്ന മ​ന​സ്സു​ള്ള​തും പ്രാ​യോ​ഗി​ക​വു​മാ​യ ഒ​രു മാ​ന​സി​കാ​വ​സ്ഥ നാം ​വി​ക​സി​പ്പി​ക്ക​ണം.

ന​മ്മ​ൾ ശ​ത്രു​ക്ക​ളാ​യി മു​ദ്ര​കു​ത്തി​യ​വ​രോ​ട് സം​സാ​രി​ക്കാ​നും കേ​ൾ​ക്കാ​നും ത​യാ​റ​ല്ലെ​ങ്കി​ൽ മി​ഡി​ലീ​സ്റ്റി​ലെ പ്ര​ശ്ന​ങ്ങ​ൾ പ​രി​ഹ​രി​ക്ക​പ്പെ​ടി​ല്ല. സ​യ​ണി​സ്റ്റ് പ​ദ്ധ​തി​യു​ടെ തു​ട​ക്കം മു​ത​ൽ, മേ​ഖ​ല​യി​ലെ എ​ല്ലാ ജ​ന​ങ്ങ​ളും സു​ര​ക്ഷി​ത​ര​ല്ല. അ​ന്താ​രാ​ഷ്ട്ര നി​യ​മ​ങ്ങ​ളു​ടെ ലം​ഘ​ന​ങ്ങ​ൾ അ​ഭൂ​ത​പൂ​ർ​വ​മാ​യ തോ​തി​ൽ തു​ട​രു​ക​യാ​ണെ​ന്നും ​അ​ദ്ദേ​ഹം പ​റ​ഞ്ഞു.

എ​ല്ലാ​വ​രു​ടെ​യും അ​ന്ത​സ്സും അ​വ​കാ​ശ​ങ്ങ​ളും ഉ​യ​ർ​ത്തി​പ്പി​ടി​ക്കു​ന്ന ന്യാ​യ​വും ശാ​ശ്വ​ത​വു​മാ​യ പ്ര​മേ​യം ന​ട​പ്പാ​ക്കേ​ണ്ട​ത് കൂ​ട്ടു​ത്ത​ര​വാ​ദി​ത്ത്വമാ​ണ്. ഇ​ത് ദ്വി​രാ​ഷ്ട്ര പ​രി​ഹാ​ര​ത്തി​ൽ അ​ടി​സ്ഥാ​ന​മാ​ക്കി​യു​ള്ള​താ​യി​രി​ക്ക​ണ​മ​ന്നും അ​ദ്ദേ​ഹം പ​റ​ഞ്ഞു.