വെ​സ്റ്റ് ഏ​ഷ്യ​ൻ പാ​രാ​ലി​മ്പി​ക്‌​സി​ൽ​ മി​ന്നി​ത്തി​ള​ങ്ങി ഒ​മാ​ൻ

മ​സ്ക​ത്ത്​: ഷാ​ർ​ജ​യി​ൽ ന​ട​ന്ന വെ​സ്റ്റ് ഏ​ഷ്യ​ൻ പാ​രാ​ലി​മ്പി​ക്‌​സി​ൽ മി​ന്നി​ത്തി​ള​ങ്ങി ഒ​മാ​ൻ. ക​ഴി​ഞ്ഞ​ദി​വ​സം സ​മാ​പി​ച്ച ഒ​ളി​മ്പി​ക്സി​ന്‍റെ നാ​ലാ​മ​ത് ​പ​തി​പ്പി​ൽ 25 മെ​ഡ​ലു​ക​ളാ​ണു​ ഒ​മാ​ൻ താ​ര​ങ്ങ​ൾ സ്വ​ന്ത​മാ​ക്കി​യ​ത്. സ​മാ​പ​ന ദി​വ​സം 72 കി​ലോ​ഗ്രാം ഭാ​രോ​ദ്വ​ഹ​ന​ത്തി​ൽ ഫാ​ദ​ൽ അ​ൽ ഹാ​ദി​യാ​ണ്​ ഒ​മാ​നു​വേ​ണ്ടി വെ​ള്ളി ഉ​യ​ർ​ത്തി​യ​ത്. ഇ​തോ​ടെ​യാ​ണ്​ മെ​ഡ​ൽ നേ​ട്ടം 25ൽ ​എ​ത്തി​യ​ത്.

പ​ന്ത്ര​ണ്ട് രാ​ജ്യ​ങ്ങ​ളി​ൽ​നി​ന്നാ​യി 382 ക​ളി​ക്കാ​രും 131 പ​രി​ശീ​ല​ക​രും അ​ഡ്മി​നി​സ്ട്രേ​റ്റ​ർ​മാ​രും ഉ​ൾ​പ്പെ​ട​യു​ള്ള​വ​രാ​യി​രു​ന്നു മേ​ള​യു​ടെ ഭാ​ഗ​മാ​യ​ത്. ഭാ​രോ​ദ്വ​ഹ​നം, ടേ​ബി​ൾ ടെ​ന്നീ​സ്, ബാ​ഡ്മി​ൻ​റ​ൺ, ഗോ​ൾ​ബാ​ൾ, വീ​ൽ​ചെ​യ​ർ ബാ​സ്ക​റ്റ്ബാ​ൾ, ബോ​സി​യ, അ​ത്​​ല​റ്റി​ക്സ് എ​ന്നി​ങ്ങ​നെ കാ​യി​ക വി​ഭാ​ഗ​ങ്ങ​ളി​ലാ​യി​രു​ന്നു മ​ത്സ​ര​ങ്ങ​ൾ ന​ട​ന്ന​ത്.

അ​ടു​ത്ത വെ​സ്റ്റ് ഏ​ഷ്യ​ൻ പാ​രാ​ലി​മ്പി​ക്‌ 2026ൽ ​മ​സ്ക​ത്തി​ൽ ന​ട​ക്കും. വെ​സ്റ്റ് ഏ​ഷ്യ​ൻ പാ​രാ​ലി​മ്പി​ക് ഫെ​ഡ​റേ​ഷ​ൻ പ്ര​സി​ഡ​ൻ​റ് ഡോ. ​അ​ബ്ദു​ൽ റ​സാ​ഖ് ബി​ൻ റാ​ഷി​ദ് ഗെ​യിം​സി​ന്‍റെ അ​ഞ്ചാ​മ​തു​ പ​തി​പ്പി​ന്‍റെ പ​താ​ക കൈ​മാ​റി. ഒ​മാ​നി പാ​രാ​ലി​മ്പി​ക്‌​സ് ക​മ്മി​റ്റി പ്ര​സി​ഡ​ന്‍റ് ഡോ. ​മ​ൻ​സൂ​ർ ബി​ൻ സു​ൽ​ത്താ​ൻ അ​ൽ തൗ​ഖി പ​താ​ക ഏ​റ്റു​വാ​ങ്ങി. അ​ഞ്ചാ​മ​തു പ​തി​പ്പ്​ സം​ഘ​ടി​പ്പി​ക്കു​ന്ന​തി​ൽ ഒ​മാ​നു വി​ജ​യാ​ശം​സ​ക​ൾ നേ​ർ​ന്ന ഡോ ​അ​ബ്ദു റ​സാ​ഖ് ബി​ൻ റാ​ഷി​ദ് വെ​സ്റ്റ് ഏ​ഷ്യ​ൻ പാ​രാ​ലി​മ്പി​ക് ഗെ​യിം​സി​ന്‍റെ നാ​ലാ​മ​തു​ പ​തി​പ്പി​ന്​ തി​ര​ശ്ശീ​ല വീ​ണ​താ​യി പ്ര​ഖ്യാ​പി​ച്ചു. അ​ടു​ത്ത പ​തി​പ്പ്​ ന​ട​ത്താ​ൻ അ​വ​കാ​ശം കി​ട്ടി​യ​തി​ൽ ആ​ഹ്ലാ​ദം പ്ര​ക​ടി​പ്പി​ച്ച ഡോ. ​മ​ൻ​സൂ​ർ ബി​ൻ സു​ൽ​ത്താ​ൻ അ​ൽ തൗ​ഖി ഈ ​സു​പ്ര​ധാ​ന പ​രി​പാ​ടി​യി​ൽ പ​ങ്കെ​ടു​ക്കാ​ൻ എ​ല്ലാ പ​ശ്ചി​മേ​ഷ്യ​ൻ രാ​ജ്യ​ങ്ങ​ളെ​യും സ്വാ​ഗ​തം ചെ​യ്യു​ക​യും ചെ​യ്തു. ബൗ​ഷ​റി​ലെ സു​ൽ​ത്താ​ൻ ഖാ​ബൂ​സ് സ്‌​പോ​ർ​ട്‌​സ് കോം​പ്ല​ക്‌​സ് ആ​യി​രി​ക്കും മ​ത്സ​ര​വേ​ദി.