മസ്കത്ത്: മസ്കത്ത് ഇന്ത്യൻ സ്കൂളിൽ റിപ്പബ്ലിക് ദിനത്തിെൻറ ഭാഗമായി ഇൻറർ സ്കൂൾ സ്പോർട്സ് ഫെസ്റ്റ് സംഘടിപ്പിച്ചു. കായിക സംസ്കാരം പ്രോത്സാഹിപ്പിക്കുന്നതിനുള്ള കേന്ദ്രപദ്ധതിയായ ‘ഖേലോ ഇന്ത്യ’യുടെ ഭാഗമായി നടത്തിയ ഫെസ്റ്റിൽ ആതിഥേയരെ കൂടാതെ മബേല, അൽസീബ്, വാദികബീർ, ദാർസൈത്ത് ഇന്ത്യൻ സ്കൂളുകളിലെ വിദ്യാർഥികളും പെങ്കടുത്തു. അംബാസഡർ മുനുമഹാവർ പരിപാടിയിൽ മുഖ്യാതിഥിയായിരുന്നു. അംബാസഡർ മേള ഉദ്ഘാടനം ചെയ്തു. അത്ലറ്റിക്സ് അടക്കം അഞ്ച് ഇനങ്ങളിലാണ് മത്സരം നടന്നത്. മസ്കത്ത് ഇന്ത്യൻ സ്കൂൾ ഒാവറോൾ ചാമ്പ്യന്മാരും വാദികബീർ റണ്ണേഴ്സ് അപ്പുമായി. ഇന്ത്യൻ സ്കൂൾ ബോർഡ് ഡയറക്ടർ ജി.എസ് ഭവാനി പ്രസാദ് സമാപന ചടങ്ങിൽ മുഖ്യാതിഥിയായിരുന്നു. ഒാഫിസ് സപ്ലൈസ് കമ്പനി എൽ.എൽ.സി സി.ഇ.ഒ സൂര്യ നാരായൺ, ദേശീയ ഫുട്ബാൾ താരം ധൻസിങ് എന്നിവർ വിശിഷ്ടാതിഥികളുമായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.