സുഹാർ: സുഹാർ നവചേതനയും ഇന്ത്യൻ സോഷ്യൽ ക്ലബ് സുഹാറും ചേർന്ന് കായിക മേള സംഘടിപ്പിച് ചു. ആറു മുതൽ 15 വയസ്സ് വരെയുള്ള കുട്ടികൾക്കായിരുന്നു മത്സരം. സുഹാർ സ്പോർട്സ് കോംപ്ലക്സ് സ്റ്റേഡിയത്തിൽ നടന്ന മത്സരങ്ങൾക്ക് സാക്ഷ്യം വഹിക്കാൻ നിരവധി പേർ എത്തിയിരുന്നു. സോഷ്യൽ ക്ലബ് ചെയർമാൻ ഡോ. രാജീവ ടണ്ടൻ, സുഹാർ ഇന്ത്യൻ സ്കൂൾ വൈസ് പ്രിൻസിപ്പൽ ഡോ. വിനുകുമാർ, സുഹാർ ബദർ അൽ സമ മാനേജർ മനോജ് കുമാർ, നവചേതന പ്രസിഡൻറ് ഗീത കണ്ണൻ, അനിൽ എന്നിവർ ചേർന്ന് വിളക്ക് കൊളുത്തിയാണ് മേള ഉദ്ഘാടനം ചെയ്തത്. മത്സര വിജയികൾക്കുള്ള സമ്മാനങ്ങൾ സമാപന ചടങ്ങിൽ ഇന്ത്യൻ സ്കൂൾ പ്രിൻസിപ്പൽ സഞ്ജിത വർമയും മറ്റു വിശിഷ്ട വ്യക്തികളും ചേർന്ന് വിതരണം ചെയ്തു. ഒാരോ വിഭാഗങ്ങളിലെയും വ്യക്തിഗത വിജയികൾക്കും സമ്മാനങ്ങൾ നൽകി. വരുംവർഷങ്ങളിലും ഇത്തരം കായികോത്സവങ്ങൾ സംഘടിപ്പിക്കുമെന്ന് നവചേതന സംഘാടകർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.