സൂർ: മലയാള മിഷെൻറ ആഭിമുഖ്യത്തിലുള്ള ഭൂമി മലയാളം കാമ്പയിനിെൻറ ഭാഗമായുള്ള ലോക മലയാള ഭാഷ ദിനാചരണ ചടങ്ങുകൾ സൂറിലും സംഘടിപ്പിച്ചു. കുട്ടികളുടെയും രക്ഷിതാക്കളുടെയും സാന്നിധ്യംകൊണ്ട് ശ്രദ്ധേയമായ കേരള സ്കൂളിൽ നടന്ന പരിപാടി സൂർ മലയാളം മിഷൻ പ്രവർത്തകരാണ് സംഘടിപ്പിച്ചത്. ഇന്ത്യൻ കോൺസുലാർ ഏജൻറ് മധു നമ്പ്യാർ ഉദ്ഘാടനം ചെയ്തു. കവി കെ. സച്ചിദാനന്ദൻ തയാറാക്കിയ മലയാള ഭാഷ പ്രതിജ്ഞ ആൻസി മനോജ് ചൊല്ലിക്കൊടുത്തു. എ.കെ. സുനിൽ അധ്യക്ഷത വഹിച്ചു. സാക്കി നാസർ, ഹസ്ബുല്ല മദാരി, മനോജ്, ജിതേഷ് പുനത്തിൽ എന്നിവർ സംസാരിച്ചു. മലയാളം മിഷൻ പ്രവർത്തകരായ സുലോചന സജീവൻ, മഞ്ജു നിഷാന്ത്, സുസ്മിത പ്രശാന്ത്, നിത സുജീഷ്, ദീപ കണ്ണൻ, ദിലീപ് എന്നിവർ നേതൃത്വം നൽകി. ആൻസി ടീച്ചർ സ്വാഗതവും സൈനുദ്ദീൻ കൊടുവള്ളി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.