ഇബ്രി: ഇബ്രി ഇന്ത്യൻ സ്കൂളിലെ 26ാമത് സ്കൂൾ കലോത്സവം വർണാഭമായ പരിപാടികളോടെ സ്കൂൾ ഓഡിറ്റോറിയത്തിൽ നടന്നു. കഴിഞ്ഞ ദിവസം നടന്ന സമാപന ചടങ്ങിൽ ഡോ. ജെ. രത്നകുമാർ (ഐ.എസ്.സി ചീഫ് എക്സിക്യൂട്ടിവ് ഓഫിസർ) മുഖ്യാതിഥി ആയിരുന്നു. മുൻ എസ്.എം.സി ഭാരവാഹികൾ, നിസ്വ, മുലദ ഇന്ത്യൻ സ്കൂൾ അധ്യാപകർ തുടങ്ങിയവർ സന്നിഹിതരായിരുന്നു. സ്കൂൾ പ്രിൻസിപ്പൽ വി.എസ്. സുരേഷ് അതിഥികളെ സ്വാഗതം ചെയ്തു. എസ്.എം.സി പ്രസിഡൻറ് ഡോ. തോമസ് വർഗീസ് ചടങ്ങിൽ സംസാരിച്ചു. നൃത്തം,
സംഗീതം, പ്രച്ഛന്ന വേഷം, പദ്യം ചൊല്ലൽ, മോണോ ആക്ട്, മിമിക്രി, വാദ്യോപകരണം തുടങ്ങിയ സ്റ്റേജ് പരിപാടികളും നടന്നു. മുഖ്യാതിഥിയും എസ്.എം.സി പ്രസിഡൻറും ഫിറോസ് ഹുസൈൻ (എസ്.എം.സി ട്രഷറർ), ഉണ്ണികൃഷ്ണൻ (കൺവീനർ എസ്.എം.സി) എന്നിവരും വിജയികൾക്കുള്ള ട്രോഫികളും സർട്ടിഫിക്കറ്റുകളും വിതരണം ചെയ്തു. മുൻ എസ്.എം.സി കൺവീനർ സന്ധ്യ വിജയനെ ചടങ്ങിൽ ആദരിച്ചു. ക്ലസ്റ്റർ അത്ലറ്റിക് മീറ്റിൽ വിജയികളായ നേഹ മുഹമ്മദ് റാഫി, ഗൗരിശങ്കർ മനോജ്, അമിത്ത് കൃഷ്ണ, മുഹമ്മദ് ഹുസൈൻ എന്നിവരെ ചടങ്ങിൽ ആദരിച്ചു. സ്കൂൾ സീനിയർ അധ്യാപകൻ സണ്ണി മാത്യു നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.