സലാല: സി.ബി.എസ്.ഇ ഒമാൻ ക്ലസ്റ്റർ ഫുട്ബാൾ ടൂർണമെൻറിൽ അണ്ടർ 19ൽ സലാല ഇന്ത്യൻ സ്കൂ ളും അണ്ടർ 17ൽ വാദി കബീർ ഇന്ത്യൻ സ്കൂളും വിജയികളായി. സലാല ഇന്ത്യൻ സ്കൂൾ മൈതാനിയിൽ നടന്ന ഫൈനൽ മത്സരത്തിൽ ഏകപക്ഷീയമായ രണ്ടു ഗോളുകൾക്ക് വാദി കബീർ ടീമിനെയാണ് സലാല തോൽപിച്ചത്. ഇന്ത്യൻ സ്കൂൾ മുലദയാണ് ഏറ്റവും നല്ല ടീമായി തെരഞ്ഞെടുക്കപ്പെട്ടത്.അണ്ടർ 17 വിഭാഗത്തിൽ വാദി കബീർ സ്കൂൾ പെനാൽറ്റി ഷൂട്ടൗട്ടിൽ മസ്കത്ത് ഇന്ത്യൻ സ്കൂളിനെയാണ് തോൽപിച്ചത്. അസീമിനെ മികച്ച കളിക്കാരനായും ഗൗരവിനെ മികച്ച ഗോൾ കീപ്പറായും തെരഞ്ഞെടുത്തു.
ഇന്ത്യൻ സ്കൂൾ സൂറാണ് മികച്ച ടീമായി തെരഞ്ഞെടുക്കപ്പെട്ടത്. സ്കൂൾ ഗ്രൗണ്ടിൽ നടന്ന പ്രൗഢ ചടങ്ങിൽ ഐ.എസ്.എസ് സ്പോർട്സ് കമ്മിറ്റി ചെയർമാൻ ഡോ. അബൂബക്കർ സിദ്ദീഖ് സ്വാഗതം പറഞ്ഞു. അൽ ഇത്തിഹാദ് ക്ലബിലെ ഹിശാം മുഹമ്മദ് അൽ മർഹൂൻ മുഖ്യാതിഥിയായിരുന്നു. മുൻ പ്രസിഡൻറ് ഡോ. ബിജു. ടി. സൈദ് എന്നിവർ സമ്മാനങ്ങൾ വിതരണം ചെയ്തു. സലാല ഇന്ത്യൻ സ്കൂൾ ആക്ടിങ് പ്രസിഡൻറ് ഡോ. എസ്.എ. ജമീൽ, പ്രിൻസിപ്പൽ ടി.ആർ. ബ്രൗൺ തുടങ്ങിയവർ ചടങ്ങിൽ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.