മബെല ബിലാദ് മാൾ നെസ്റ്റോ ഹൈപ്പർ മാർക്കറ്റിൽ വെച്ച് നടന്ന ഹെൽപ് ഡെസ്ക് ക്യാമ്പ്
മസ്കത്ത് കെ.എം.സി.സി നോർക്ക ഹെൽപ് ഡെസ്ക് സംഘടിപ്പിച്ചു
മസ്കത്ത് : പ്രവാസികൾക്കായി മസ്കത്ത് കെ.എം.സി.സി നെസ്റ്റോ ഹൈപ്പർമാർക്കറ്റുമായി സഹകരിച്ച് ഒമാന്റെ വിവിധ ഭാഗങ്ങളിൽ 'നോർക്ക ഹെൽപ്പ് ഡെസ്കുകൾ സംഘടിപ്പിച്ചു. സൊഹാർ, അൽ ഖൂദ് , ബർക്ക, മബേല , ഖദറ എന്നീ നെസ്റ്റോ ഹൈപ്പർമാർക്കറ്റ് കേന്ദ്രങ്ങളിലായിട്ടാണ് ഹെല്പ് ഡെസ്കുകൾ സംഘടിപ്പിച്ചത്.
പ്രവാസികൾക്കും അവരുടെ കുടുംബാംഗങ്ങൾക്കും നോർക്ക സേവനം ഉറപ്പാക്കുന്നതിനായി ആരംഭിച്ച ഈ ക്യാമ്പുകളിലേക്ക് വൻ ജനപങ്കാളിത്തമാണുണ്ടായത്. നോർക്ക ഐ ഡി, നോർക്ക കെയർ പ്ലസ് ആരോഗ്യ ഇൻഷുറൻസ് ഉൾപ്പെടെയുള്ള സേവനങ്ങൾ ക്യാമ്പിൽ ഉൾപ്പെടുത്തിയിരുന്നു.
പരിശീലനം ലഭിച്ച കെ.എം.സി.സി പ്രവർത്തകർ നൽകിയ കൃത്യമായ വഴികാട്ടലും സേവനങ്ങളും ക്യാമ്പുകളുടെ പ്രവർത്തനം സുഗമമാക്കി. സൊഹാർ , ബർക്ക,സീബ്, മബേല , ഖദറ എന്നീ ഏരിയ കെഎംസിസി കമ്മിറ്റികളിൽ നിന്നുമുള്ള പ്രവർത്തകരാണ് ക്യാമ്പ് നയിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.