മസ്കത്ത്: ഗൾഫ് മാധ്യമം പ്രമുഖ ഭക്ഷ്യോൽപന്ന കമ്പനിയായ നൂർ ഗസലുമായി ചേർന്ന് ഒമാനിലെ വായനക്കാർക്കായി നടത്തുന്ന റമദാൻ ക്വിസ് മത്സരത്തിന്റെ ആദ്യഘട്ട വിജയികളെ പ്രഖ്യാപിച്ചു. വഫ ഒതയോത്ത്, റോബിൻ, അജ്മൽ നൗഷാദ്, രാജീവ് തെക്കൻ, ബ്ലസി, കാർത്തിക കൃഷ്ണൻ, അഷ്ഫർ അസദ്, നമിത അനൂപ്, ഹല സമീർ, സൽമത്ത് ശംസുദ്ദീൻ എന്നിവരാണ് വിജയികളായത്. വിജയികളെ ഗൾഫ് മാധ്യമത്തിൽനിന്നും നേരിട്ട് വിളിക്കുന്നതാണ്.
റമദാൻ അവസാനം വരെ ഗൾഫ് മാധ്യമം പത്രം, മാധ്യമം വെബ് സൈറ്റ്, സോഷ്യൽ മീഡിയ പേജുകളിൽ ഒരു ചോദ്യം വീതം പ്രസിദ്ധീകരിക്കും. ചോദ്യത്തിന് ഒപ്പമുള്ള ക്യു ആർ കോഡ് സ്കാൻ ചെയ്തോ https://www.madhyamam.com/ramadan-quiz-omn എന്ന വെബ്സൈറ്റ് ലിങ്ക് വഴിയും മത്സരത്തിൽ പങ്കെടുക്കാം.
ഓരോ ദിവസത്തെയും ചോദ്യങ്ങൾക്ക് ശരിയുത്തരം അയച്ചവരിൽനിന്നും നറുക്കിട്ട് ഓരോ വിജയികൾക്ക് നൂർഗസലിന്റെ ഗിഫ്റ്റ് ഹാംപർ സമ്മാനമായി നൽകും. ശരിയുത്തരം അയച്ചവരുടെ പേരുകൾ നറുക്കെടുത്ത് മെഗാസമ്മാനമായി എച്ച്.പി ലാപ്ടോപ് നൽകും. ഉത്തരങ്ങൾ അതത് ദിവസം രാത്രി 10 മണിക്ക് മുമ്പ് അയക്കേണ്ടതാണ്. വിജയികളുടെ പേരുകൾ ഗൾഫ് മാധ്യമത്തിൽ പ്രസിദ്ധീകരിക്കുന്നതാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.