മസ്കത്ത്: ദുബൈയിലേക്കുള്ള ഇൻറർസിറ്റി സർവിസുകളുടെ ടിക്കറ്റ് നിരക്കിൽ മുവാസല ാത്ത് കുറവുവരുത്തി. 20 ശതമാനത്തിെൻറ കുറവാണ് വരുത്തിയത്. മസ്കത്തിൽ നിന്ന് ദുബൈയ ിലേക്കും തിരിച്ചുമുള്ള ടിക്കറ്റിന് ഏഴര റിയാലും സുഹാറിൽനിന്ന് ദുബൈയിലേക്കും തിരി ച്ചുമുള്ള ടിക്കറ്റിന് നാല് റിയാലുമാണ് പുതുക്കിയ നിരക്ക്. മസ്കത്ത്-ദുബൈ റൂട്ടിലെ സർവിസുകളുടെ എണ്ണവും വർധിപ്പിച്ചിട്ടുണ്ട്. റമദാൻ മുൻ നിർത്തിയാണ് ഇൗ ആനുകൂല്യങ്ങളെന്ന് മുവാസലാത്ത് അറിയിച്ചു.
പുതുക്കിയ ഷെഡ്യൂൾപ്രകാരം അസൈബയിലെ പ്രധാന ബസ് സ്റ്റേഷനിൽനിന്ന് നാല് സർവിസുകളാകും ദുബൈയിലേക്ക് ഉണ്ടാവുക. രാവിലെ 6.20, 10.20, വൈകീട്ട് 3.20, രാത്രി 11.20 സമയങ്ങളിലാകും സർവിസുകൾ. മസ്കത്ത് അന്താരാഷ്ട്ര വിമാനത്താവളം, ബർക്ക, സുഹാർ, ഷിനാസ്, ദുബൈ അന്താരാഷ്ട്ര വിമാനത്താവളം ടെർമിനൽ രണ്ട് എന്നിവിടങ്ങളിൽ സ്റ്റോപ്പുണ്ടാകും. അബൂ ഹെയിൽ സ്റ്റേഷനിലാണ് അവസാന സ്റ്റോപ്പ്. അബൂ ഹെയിലിൽനിന്ന് രാവിലെ 7.30, വൈകീട്ട് 3.30, ആറു മണി, രാത്രി 11മണി സമയങ്ങളിലാണ് മസ്കത്തിലേക്കുള്ള സർവിസുകൾ പുറപ്പെടുക.
ദുബൈ അന്താരാഷ്ട്ര വിമാനത്താവളം ടെർമിനൽ രണ്ട്, സുഹാർ, അൽ ഖാബൂറ, അൽമുസന്ന, ബുർജ് അൽ സഹ്വ, മസ്കത്ത് അന്താരാഷ്ട്ര വിമാനത്താവളം എന്നിവിടങ്ങളിൽ സ്റ്റോപ്പുണ്ടാകും. അസൈബ ബസ് സ്റ്റേഷനാണ് അവസാന സ്റ്റോപ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.