അംബാസഡർമാരുമായും മേധാവികളുമായും കൂടിക്കാഴ്ച നടത്തി

മ​സ്‌​ക​ത്ത്​: വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യം വി​വി​ധ അം​ബാ​സ​ഡ​ർ​മാ​രു​മാ​യും മേ​ധാ​വി​ക​ളു​മാ​യും നാ​ലാ​മ​ത് കൂ​ടി​ക്കാ​ഴ്ച സം​ഘ​ടി​പ്പി​ച്ചു. വി​ദേ​ശ​കാ​ര്യ മ​ന്ത്രാ​ല​യ​ത്തി​െൻറ സ​ഹ​ക​ര​ണ​ത്തോ​ടെ സം​ഘ​ടി​പ്പി​ച്ച പ​രി​പാ​ടി ഒ​മാ​നി​ൽ ല​ഭ്യ​മാ​യ നി​ക്ഷേ​പ അ​വ​സ​ര​ങ്ങ​ളെ പ​രി​ച​യ​പ്പെ​ടു​ത്താ​നും വി​ദേ​ശ മൂ​ല​ധ​നം ആ​ക​ർ​ഷി​ക്കാ​നും ല​ക്ഷ്യ​മി​ട്ടു​ള്ള​താ​യി​രു​ന്നു. വി​ദേ​ശ അം​ബാ​സ​ഡ​ർ​മാ​രു​ടെ വീ​ക്ഷ​ണ​ങ്ങ​ൾ അ​വ​ലോ​ക​നം ചെ​യ്യു​ന്ന​തി​നൊ​പ്പം ഒ​മാ​ൻ ന​ൽ​കു​ന്ന സൗ​ക​ര്യ​ങ്ങ​ളും പ്രോ​ത്സാ​ഹ​ന​ങ്ങ​ളും അ​വ​ത​രി​പ്പി​ക്കാ​ൻ കൂ​ടി​ക്കാ​ഴ്ച അ​വ​സ​ര​മൊ​രു​ക്കി​യെ​ന്ന് ന​യ​ത​ന്ത്ര കാ​ര്യ വി​ദേ​ശ​കാ​ര്യ മ​ന്ത്രാ​ല​യം അ​ണ്ട​ർ സെ​ക്ര​ട്ട​റി ഷെ​യ്ഖ് ഖ​ലീ​ഫ അ​ലി അ​ൽ ഹ​ർ​ത്തി പ​റ​ഞ്ഞു.

ഒ​മാ​നി​ൽ നി​ക്ഷേ​പം ന​ട​ത്തു​ന്ന​തി​നും ഒ​മാ​നി ഉ​ൽ​പ​ന്ന​ങ്ങ​ൾ അ​ന്താ​രാ​ഷ്​​ട്ര വി​പ​ണി​യി​ൽ പ്രോ​ത്സാ​ഹി​പ്പി​ക്കു​ന്ന​തി​നും നി​ക്ഷേ​പ​ക​രെ ആ​ക​ർ​ഷി​ക്കു​ന്ന​തി​നും ന​യ​ത​ന്ത്ര ഉ​ദ്യോ​ഗ​സ്​​ഥ​ർ​ക്ക്​ സു​പ്ര​ധാ​ന പ​ങ്കു​വ​ഹി​ക്കാ​ൻ സാ​ധി​ക്കു​മെ​ന്ന്​ വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യം അ​ണ്ട​ർ സെ​ക്ര​ട്ട​റി അ​സി​ലാ സ​ലേം അ​ൽ സം​സാ​മി പ​റ​ഞ്ഞു. യോ​ഗ​ത്തി​ൽ ഒ​മാ​നി ടൂ​റി​സം രം​ഗ​ത്തെ​ക്കു​റി​ച്ചു​ള്ള ഫി​ലിം പ്ര​ദ​ർ​ശ​ന​വും വി​വി​ധ സ​ർ​ക്കാ​ർ സ്ഥാ​പ​ന​ങ്ങ​ളി​ൽ​നി​ന്നു​ള്ള നി​ര​വ​ധി അ​വ​ത​ര​ണ​ങ്ങ​ളും ന​ട​ന്നു.