ഐ.ഒ.സി സലാല സുൽത്താൻ ഖാബൂസ് ആശുപത്രിയിൽ സംഘടിപ്പിച്ച രക്തദാന ക്യാമ്പ്
സലാല: ഇന്ത്യൻ ഓവർസീസ് കോൺഗ്രസ് കേരള ചാപ്റ്ററിന്റെ നേതൃത്വത്തിൽ മഹാത്മാ ഗാന്ധി രക്തസാക്ഷിദിനത്തോട് അനുബന്ധിച്ച് സലാലയിൽ രക്തദാനക്യാമ്പ് സംഘടിപ്പിച്ചു. സുൽത്താൻ ഖാബൂസ് ഹോസ്പിറ്റലിൽ നടന്ന ക്യാമ്പ് ഇന്ത്യൻ സ്കൂൾ പ്രസിഡന്റ് ഡോ അബൂബക്കർ സിദ്ധിഖ് ഉത്ഘാടനം ചെയ്തു.
ഐ.ഒ.സി നടത്തുന്ന ജീവകാരുണ്യ പ്രവർത്തങ്ങൾ മാതൃക പരമാണെന്ന് അദ്ദേഹം പറഞ്ഞു. പ്രസിഡന്റ് ഡോ. നിഷ്താർ അധ്യക്ഷത വഹിച്ചു. ഹരികുമാർ ഓച്ചിറ, ഫിറോസ് റഹ്മാൻ എന്നിവർ സംസാരിച്ചു. ഐ.ഒ.സി പ്രവർത്തകർ ഉൾപ്പെടെ നിരവധി പേർ ആശുപത്രി ബ്ലഡ് ബാങ്കിലേക്ക് രക്തം ദാനം ചെയ്തു. രക്ത ബാങ്ക് ജീവനക്കാരായ സുഹാന മുസ്തഫ, ഷബീന ഫിറോസ്, ബെറ്റി മോൾ സജീവ്, സുബിന അനീഷ് എന്നിവർ ക്യാമ്പിന് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.