ഖ​സാ​ഈ​നി​ൽ സം​യോ​ജി​ത ചൈ​നീ​സ് വ്യാ​വ​സാ​യി​ക സ​മു​ച്ച​യം വ​രു​ന്നു

മ​സ്ക​ത്ത്: സം​യോ​ജി​ത ചൈ​നീ​സ് വ്യാ​വ​സാ​യി​ക സ​മു​ച്ച​യം സ്ഥാ​പി​ക്കു​ന്ന​തി​നു​ള്ള നി​ക്ഷേ​പ ക​രാ​റി​ൽ ഖ​സാ​ഈ​ൻ ഇ​ക്ക​ണോ​മി​ക് സി​റ്റി ഒ​പ്പു​വെ​ച്ചു. ഏ​ക​ദേ​ശം 200 ദ​ശ​ല​ക്ഷം റി​യാ​ലി​ന്റെ നി​ക്ഷേ​പ​ത്തി​ൽ, 160,000 ച​തു​ര​ശ്ര മീ​റ്റ​റി​ല​ധി​കം വി​സ്തൃ​തി​യി​ലാ​ണ് വ്യാ​വ​സാ​യി​ക സ​മു​ച്ച​യം ഒ​രു​ക്കു​ക. മ​സ്‌​ക​ത്ത് ചാ​ങ്മിം​ഗ് ഇ​ൻ​വെ​സ്റ്റ്‌​മെ​ന്റ്‌​സാ​ണ് വ്യാ​വ​സാ​യി​ക സ​മു​ച്ച​യ​ത്തി​ന്റെ വി​ക​സ​ന​ത്തി​ൽ നി​ക്ഷേ​പം ന​ട​ത്തു​ന്ന​ത്. ഇ​ത് ഒ​മാ​നി​ലും മേ​ഖ​ല​യി​ലും ഒ​രു പ്ര​മു​ഖ നി​ക്ഷേ​പ കേ​ന്ദ്ര​മെ​ന്ന നി​ല​യി​ൽ ഖ​സാ​ഈ​ന്റെ സ്ഥാ​നം ശ​ക്തി​പ്പെ​ടു​ത്തു​ന്ന​താ​ണ്. ഖ​സാ​ഈ​ൻ ഇ​ക്ക​ണോ​മി​ക് സി​റ്റി സി.​ഇ.​ഒ എ​ൻ​ജി​നി​യ​ർ സ​ലിം ബി​ൻ സു​ലൈ​മാ​ൻ അ​ൽ ദു​ഹ്‌​ലി, മ​സ്‌​ക​ത്ത് ചാ​ങ്‌​മി​ങ് ഇ​ൻ​വെ​സ്റ്റ്‌​മെ​ന്റ്‌​സി​ന്റെ വൈ​സ് ചെ​യ​ർ​മാ​ൻ ഡോ. ​മിം​ഗ്‌​ലി​യാ​ങ് ലി ​എ​ന്നി​വ​രാ​ണ് ക​രാ​റി​ൽ ഒ​പ്പു​വെ​ച്ച​ത്. വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രി ഖാ​യി​ദ് ബി​ൻ മു​ഹ​മ്മ​ദ് അ​ൽ യൂ​സ​ഫ്, മ​റ്റ് വി​ശി​ഷ്ട വ്യ​ക്തി​ക​ൾ, നി​ക്ഷേ​പ​ക​ർ, പ്രാ​ദേ​ശി​ക, അ​ന്ത​ർ​ദേ​ശീ​യ മാ​ധ്യ​മ പ്ര​തി​നി​ധി​ക​ൾ എ​ന്നി​വ​രു​ടെ സാ​ന്നി​ധ്യ​ത്തി​ലാ​യി​രു​ന്നു ഒ​പ്പി​ട​ൽ ച​ട​ങ്ങ് ന​ട​ന്ന​ത്.

ഈ ​വ​ർ​ഷം ര​ണ്ടാം പാ​ദ​ത്തി​ൽ സ​മു​ച്ച​യ​ത്തി​ന്റെ നി​ർ​മാ​ണം ആ​രം​ഭി​ക്കും. വി​വി​ധ മേ​ഖ​ല​ക​ളി​ലു​ട​നീ​ള​മു​ള്ള ചെ​റി​യ​തും, ഇ​ട​ത്ത​ര​വു​മാ​യ വ്യ​വ​സാ​യ​ങ്ങ​ളു​ടെ വ​ള​ർ​ച്ച​യെ പി​ന്തു​ണ​ക്കു​ന്ന​തി​നാ​യി രൂ​പ​ക​ൽ​പ​ന ചെ​യ്തി​ട്ടു​ള്ള വ​ർ​ക്ക്ഷോ​പ്പു​ക​ളും പ്രൊ​ഡ​ക്ഷ​ൻ ലൈ​നു​ക​ളും ഉ​ൾ​പ്പെ​ടെ​യു​ള്ള ആ​ധു​നി​ക സൗ​ക​ര്യ​ങ്ങ​ൾ ഇ​തി​ലു​ണ്ടാ​കും. ഹൗ​സ് പാ​ക്കേ​ജി​ങ് ഏ​രി​യ​ക​ൾ, പ്രാ​ദേ​ശി​ക സം​ഭ​ര​ണ, വി​ത​ര​ണ കേ​ന്ദ്ര​ങ്ങ​ളാ​യി പ്ര​വ​ർ​ത്തി​ക്കു​ന്ന ലോ​ജി​സ്റ്റി​ക്ക​ൽ വെ​യ​ർ​ഹൗ​സു​ക​ൾ, ഓ​ഫി​സ് സ്ഥ​ല​ങ്ങ​ൾ, ഭ​ര​ണ കെ​ട്ടി​ട​ങ്ങ​ൾ, വാ​ണി​ജ്യ, നി​ക്ഷേ​പ പ്ര​വ​ർ​ത്ത​ന​ങ്ങ​ൾ ശ​ക്തി​പ്പെ​ടു​ത്തു​ന്ന​തി​നു​ള്ള ഷോ​റൂ​മു​ക​ൾ എ​ന്നി​വ​യു​ൾ​പ്പെ​ടെ സ​മ​ഗ്ര​മാ​യ ബി​സി​ന​സ് പി​ന്തു​ണാ അ​ടി​സ്ഥാ​ന സൗ​ക​ര്യ​ങ്ങ​ളും ഈ ​സ​മു​ച്ച​യം വാ​ഗ്ദാ​നം ചെ​യ്യു​ന്നു​ണ്ട്. മെ​യി​ന്റ​ന​ൻ​സ് സേ​വ​ന​ങ്ങ​ൾ, സ്പെ​യ​ർ പാ​ർ​ട്സ്, പ്ര​ത്യേ​ക ലൈ​റ്റി​ങ് സം​വി​ധാ​ന​ങ്ങ​ളു​ള്ള നൂ​ത​ന കാ​ർ ഷോ​റൂം, ഡ്രൈ​വി​ങ് സി​മു​ലേ​ഷ​ൻ ഏ​രി​യ, പു​തി​യ കാ​ർ ലോ​ഞ്ച് ഇ​വ​ന്റു​ക​ൾ​ക്കാ​യി പ്ര​ത്യേ​ക സ്ഥ​ലം എ​ന്നി​വ വാ​ഗ്ദാ​നം ചെ​യ്യു​ന്ന ഓ​ട്ടോ​മോ​ട്ടി​വ് റി​പ്പ​യ​ർ സെ​ന്റ​റും ഉ​ണ്ടാ​കും. കൂ​ടാ​തെ നി​ര​വ​ധി സ​ഹാ​യ​ക​ര​മാ​യ സേ​വ​ന​ങ്ങ​ളും സൗ​ക​ര്യ​ങ്ങ​ളും ഇ​തി​ൽ ഉ​ൾ​പ്പെ​ടും.

ലോ​കോ​ത്ത​ര ബി​സി​ന​സ് അ​ന്ത​രീ​ക്ഷം സൃ​ഷ്ടി​ക്കു​ന്ന, ലോ​ജി​സ്റ്റി​ക്സ്, ഉ​ൽ​പാ​ദ​നം, ഭ​ക്ഷ​ണം, ഫാ​ർ​മ​സ്യൂ​ട്ടി​ക്ക​ൽ​സ്, ശു​ദ്ധ​മാ​യ ഊ​ർ​ജ്ജം, സാ​ങ്കേ​തി​ക​വി​ദ്യ എ​ന്നി​വ​യു​ൾ​പ്പെ​ടെ ത​ന്ത്ര​പ​ര​മാ​യ മേ​ഖ​ല​ക​ളി​ലാ​യി പ്രാ​ദേ​ശി​ക​വും അ​ന്ത​ർ​ദേ​ശീ​യ​വു​മാ​യ നി​ക്ഷേ​പ​ങ്ങ​ളെ ആ​ക​ർ​ഷി​ക്കു​ന്ന സം​യോ​ജി​ത സാ​മ്പ​ത്തി​ക ന​ഗ​രം വി​ക​സി​പ്പി​ക്കു​ക എ​ന്ന ഖ​സാ​ഈ​ൻ ഇ​ക്ക​ണോ​മി​ക് സി​റ്റി​യു​ടെ ത​ന്ത്ര​വു​മാ​യി ഈ ​പ​ദ്ധ​തി യോ​ജി​ക്കു​ന്ന​താ​ണ്. ഒ​മാ​ന്റെ സാ​മ്പ​ത്തി​ക വൈ​വി​ധ്യ​വ​ൽ​ക്ക​ര​ണ​ത്തി​ന് വ​ഴി​യൊ​രു​ക്കു​ന്ന മ​ത്സ​രാ​ധി​ഷ്ഠി​ത നി​ക്ഷേ​പ അ​ന്ത​രീ​ക്ഷം വ​ള​ർ​ത്തി​യെ​ടു​ക്കാ​ൻ ഞ​ങ്ങ​ൾ പ്ര​തി​ജ്ഞാ​ബ​ദ്ധ​രാ​ണെ​ന്ന് എ​ൻ​ജി​നി​യ​ർ സ​ലിം ബി​ൻ സു​ലൈ​മാ​ൻ അ​ൽ ദു​ഹ്‌​ലി പ​റ​ഞ്ഞു. ഖ​സാ​ഈ​നെ ഒ​രു സം​യോ​ജി​ത വ്യാ​വ​സാ​യി​ക, ലോ​ജി​സ്റ്റി​ക്സ് കേ​ന്ദ്ര​മാ​യി സ്ഥാ​പി​ക്കു​ന്ന​തി​നു​ള്ള സു​പ്ര​ധാ​ന ചു​വ​ടു​വെ​പ്പാ​ണ് ഈ ​പ​ദ്ധ​തി. പ്ര​ത്യ​ക്ഷ​വും പ​രോ​ക്ഷ​വു​മാ​യ തൊ​ഴി​ല​വ​സ​ര​ങ്ങ​ൾ സൃ​ഷ്ടി​ക്കു​ന്ന​തി​നും, ചെ​റു​കി​ട, ഇ​ട​ത്ത​രം സം​രം​ഭ​ങ്ങ​ളെ പി​ന്തു​ണ​യ്ക്കു​ന്ന​തി​നും, ഒ​മാ​നി​ൽ വ്യാ​വ​സാ​യി​ക, സാ​ങ്കേ​തി​ക ന​വീ​ക​ര​ണം പ്രോ​ത്സാ​ഹി​പ്പി​ക്കു​ന്ന​തി​നും ഇ​ത് സം​ഭാ​വ​ന ചെ​യ്യു​മെ​ന്നും അ​ദ്ദേ​ഹം പ​റ​ഞ്ഞു.