മസ്കത്ത്: നാല്പത്തിയാറാം ഒമാന് ദേശീയദിനാഘോഷത്തിന്െറ നിറവില് 43കാരനായ ഒമാനി സാഹസിക സൈക്കിള് യാത്രക്ക് തിങ്കളാഴ്ച പുറപ്പെടുന്നു. ഇസ്കി വിലായത്തിലെ ദാഖിലിയ സ്വദേശി സുലൈമാന് സാലിഹ് സാലിം മആവലിയാണ് തെക്കനേഷ്യന് രാഷ്ട്രങ്ങള്, ആസ്ട്രേലിയ, ന്യൂസിലന്ഡ് എന്നിവിടങ്ങളിലൂടെ സൈക്കിളില് സഞ്ചരിക്കുക.
മസ്കത്ത് വിമാനത്താവളത്തില്നിന്ന് ന്യൂസിലന്ഡിലെ വടക്കന് മേഖലയായ ഓക്ലന്ഡിലേക്ക് വിമാനത്തില് പോകും. ന്യൂസിലന്ഡ് പര്യടനത്തിന് ശേഷം ക്രൈസ്റ്റ് ചര്ച്ച് നഗരത്തില്നിന്ന് ആസ്ട്രേലിയയിലെ സിഡ്നിയിലേക്കും വിമാനം കയറും. ന്യൂ സൗത് വെയില്സ്, വിക്ടോറിയ, തെക്കന് ആസ്ട്രേലിയ എന്നിവിടങ്ങളില് സൈക്കിളില് യാത്ര ചെയ്യും. ആസ്ട്രേലിയന് പര്യടനത്തിന് ശേഷം ബാലി, ജകാര്ത്ത, സിംഗപ്പൂര്, തായ്ലന്ഡ്, കംബോഡിയ രാജ്യങ്ങളിലൂടെ സഞ്ചരിച്ച് വിയറ്റ്നാമില് യാത്ര അവസാനിപ്പിക്കും.
അഞ്ചുമാസം കൊണ്ട് 6,000 കിലോമീറ്റര് സഞ്ചരിക്കുമെന്ന് മആവലി പറഞ്ഞു.
പാചകത്തിനുള്ള സാമഗ്രികള്, കാമറ തുടങ്ങിയവയും കൊണ്ടാണ് യാത്ര. ലോകത്തിന്െറ വിവിധ ഭൂഖണ്ഡങ്ങള് സന്ദര്ശിക്കാന് ആഗ്രഹിക്കുന്നതായും അദ്ദേഹം പറഞ്ഞു.
2015ല് 27 ദിവസം കൊണ്ട് ജി.സി.സി രാജ്യങ്ങളിലൂടെ 2,096 കിലോമീറ്റര് സൈക്കിള് യാത്ര നടത്തിയിരുന്ന മആവലി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.