മസ്കത്ത്: കോവിഡ് വ്യാപനം തടയുന്നതിന് വ്യാപാര മേഖലയിൽ ഏർപ്പെടുത്തിയ മുൻകരുതൽ നടപടികളിൽ ഇളവ് വരുത്താൻ ഒ മാൻ തീരുമാനിച്ചു. ചില വാണിജ്യ പ്രവർത്തനങ്ങൾ പുനരാരംഭിക്കാനാണ് ചൊവ്വാഴ്ച നടന്ന സുപ്രീം കമ്മിറ്റി യോഗം തീര ുമാനിച്ചത്.
മണി എക്സ്ചേഞ്ചുകൾക്കും വാഹന വർക്ക്ഷോപ്പുകൾക്കും പ്രവർത്തനാനുമതി നൽകിയിട്ടുണ്ട്. മത്സ ്യ ബന്ധന ബോട്ടുകളുടെ അറ്റകുറ്റപ്പണി നടത്തുന്ന സ്ഥാപനങ്ങൾക്കും തുറക്കാം. വാഹനങ്ങളുടെ സ്പെയർപാർട്സുകൾ വിൽപന നടത്തുന്ന കടകൾക്കും പ്രവർത്തിക്കാൻ അനുമതി നൽകി.
ആേട്ടാ ഇലക്ട്രികൽ കടകൾ, ഒായിൽ മാറ്റുന്ന സ്ഥാപനങ്ങൾ, ടയറുകളുടെ വിൽപനയും അറ്റകുറ്റപ്പണിയും നടത്തുന്ന സ്ഥാപനങ്ങൾ എന്നിവക്കും തുറന്ന് പ്രവർത്തിക്കാം. ഇൗ സ്ഥാപനങ്ങളിൽ ഒരേ സമയം പരമാവധി രണ്ട് ഉപഭോക്താക്കൾ മാത്രമേ ഉണ്ടാകാൻ പാടുള്ളൂ.
ഇലക്ട്രോണിക്, ഇലക്ട്രിക്കൽ ഉപകരണങ്ങളും കമ്പ്യൂട്ടറുകളും വിൽപനയും അറ്റകുറ്റപ്പണിയും നടത്തുന്ന കടകൾ, സ്റ്റേഷനറി സ്ഥാപനങ്ങൾ, സനദ് ഒാഫീസുകൾ, പ്രിൻറിങ് സ്ഥാപനങ്ങൾ, വാഹനങ്ങളും ഉപകരണങ്ങളും മെഷീനുകളും വാടകക്ക് നൽകുന്ന സ്ഥാപനങ്ങൾ എന്നിവക്കും പ്രവർത്തനാനനുമതി നൽകിയിട്ടുണ്ട്. ബന്ധപ്പെട്ട അധികൃതരുടെ ആരോഗ്യ മാർഗ നിർദേശങ്ങൾ പാലിച്ചുവേണം പ്രവർത്തനം. ഒരു തരത്തിലുള്ള ഒത്തുകൂടലുകളും ഇൗ സ്ഥാപനങ്ങളിൽ പാടില്ലെന്നും സുപ്രീം കമ്മിറ്റി നിർദേശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.