മസ്കത്ത്: ഒമാനിൽ വ്യാഴാഴ്ച 102 പേർക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്തെ മൊത്തം വൈറസ് ബാധി തരുടെ എണ്ണം 1716 ആയി. മലയാളിയടക്കം എട്ടുപേർ മരണപ്പെടുകയും ചെയ്തു. വ്യാഴാഴ്ച രോഗം സ്ഥിരീകരിച്ചവരിൽ 69 പേർ വിദേശികളും 33 പേർ സ്വദേശികളുമാണ്. രോഗമുക്തരായവരുടെ എണ്ണം 307 ആയി ഉയർന്നിട്ടുണ്ട്.
പുതിയ രോഗികളിൽ 71 പേരാണ് മസ്കത്ത് ഗവർണറേറ്റിൽ നിന്നുള്ളത്. ഇവിടെ മൊത്തം കോവിഡ് ബാധിതർ 1309 ആയി. രോഗമുക്തരുടെ എണ്ണം 156ൽ നിന്ന് 218 ആയി ഉയരുകയും ചെയ്തു. മരിച്ച എട്ടുപേരും മസ്കത്തിൽ ചികിത്സയിലിരുന്നവരാണ്.
തെക്കൻ ബാത്തിനയിലെ വൈറസ് ബാധിതരുടെ എണ്ണം 132 ആയി ഉയർന്നു. വടക്കൻ ബാത്തിനയിലേതാകെട്ട 75 ആയി വർധിക്കുകയും ചെയ്തു. തെക്കൻ ശർഖിയയിൽ ഒമ്പത് പേർക്ക് കൂടി പുതുതായി കോവിഡ് സ്ഥിരീകരിച്ചതായും ആരോഗ്യ മന്ത്രാലയം വ്യാഴാഴ്ച പുറത്തുവിട്ട കണക്കുകൾ വ്യക്തമാക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.