‘വാക്ക്’ അനുമോദന ചടങ്ങിൽ ആബിദ് ഹുസൈന് തങ്ങൾ എം.എൽ.എ മെമന്റോ കൈമാറുന്നു
കുവൈത്ത് സിറ്റി: കുവൈത്തിലെ വളാഞ്ചേരിക്കാരുടെ സാംസ്കാരിക കൂട്ടായ്മയായ വളാഞ്ചേരി അസോസിയേഷൻ ഓഫ് കുവൈത്ത് (വാക്ക്) അംഗങ്ങളുടെ എസ്.എസ്.എൽ.സി, പ്ലസ് ടു പരീക്ഷകളിൽ ഉന്നത വിജയം നേടിയ കുട്ടികളെ അനുമോദിച്ചു.
വളാഞ്ചേരി കംപാഷൻ ഫൗണ്ടേഷൻ ഹാളിൽ നടന്ന അനുമോദന സമ്മേളനം ആബിദ് ഹുസൈന് തങ്ങൾ എം.എൽ.എ ഉദ്ഘാടനംചെയ്തു. വാക്ക് രക്ഷാധികാരി ഷൗക്കത്ത് വളാഞ്ചേരി അധ്യക്ഷതവഹിച്ചു.
വളാഞ്ചേരി നഗരസഭ ചെയർമാൻ അഷ്റഫ് അമ്പലത്തിങ്ങൽ മുഖ്യപ്രഭാഷണം നടത്തി. പെയിൻ ആൻഡ് പാലിയേറ്റിവ് ജില്ല സെക്രട്ടറി വി.പി.എം. സാലിഹ്, എം.ഇ.എസ് ഹയർ സെക്കന്ററി സകൂൾ പ്രിൻസിപ്പൽ അഷ്റഫലി കാളിയത്ത്, കവി കെ.പി. സലാം എന്നിവർ കുട്ടികളെ അനുമോദിച്ചു.
ചടങ്ങിൽ വളാഞ്ചേരി പെയിൻ ആൻഡ് പാലിയേറ്റിവിനും ജീവനി പാലിയേറ്റിവിനും തുടർച്ചയായി നൽകിവരുന്ന വാക്കിന്റെ ധനസഹായവും കൈമാറി. ജീവനി പാലിയേറ്റിവിന് വേണ്ടി നാസറും വളാഞ്ചേരി പാലിയേറ്റിവിനുവേണ്ടി വി.പി.എം സാലിഹും ധന സഹായം ഏറ്റുവാങ്ങി. വാക് രക്ഷാധികാരി റിയാസ് കാവുമ്പുറം സ്വാഗതവും എക്സിക്യൂട്ടിവ് അംഗം ബേബി നൗഷാദ് നന്ദിയും പറഞ്ഞു.
വാക് അംഗങ്ങളായ കെ.പി.എ മുനീർ, ഹാഷിം, ജുനൈദ് നൗഷാദ് കൈപ്പള്ളി എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.