കേ​ര​ള യു​വ​ജ​ന​ത എ​ങ്ങോ​ട്ട്...

ത​ല​ശ്ശേ​രി നാ​ര​ങ്ങാ​പ്പു​റം മ​ണ​വാ​ട്ടി ജ​ങ്ഷ​നി​ൽ രാ​ജ​സ്ഥാ​ൻ സ്വ​ദേ​ശി​യാ​യ അ​തി​ഥി തൊ​ഴി​ലാ​ളി​യു​ടെ ആ​റു​വ​യ​സ്സു​ള്ള മ​ക​നെ കാ​റി​ൽ ചാ​രി​നി​ന്ന​തി​ന്റെ പേ​രി​ൽ ക്രൂ​ര​മാ​യി ആ​ക്ര​മി​ച്ച സം​ഭ​വം അ​പ​ല​പ​നീ​യ​വും അ​ക്ര​മി​ക​ളെ മാ​തൃ​കാ​പ​ര​മാ​യി ശി​ക്ഷി​ക്കേ​ണ്ട​തു​മാ​ണ്. ഈ ​വാ​ർ​ത്ത വാ​യി​ക്ക​വെ കു​വൈ​ത്തി​ൽ എ​ത്തി​യ ആ​ദ്യ കാ​ലം ഓ​ർ​ത്തു. അ​ന്ന് വി​ല​കൂ​ടി​യ വ​ലി​യ കാ​റു​ക​ൾ അ​ദ്ഭു​ത​മാ​യി​രു​ന്നു. അ​വ​യി​ൽ ചാ​രി​നി​ന്ന് എ​ത്ര​യോ ത​വ​ണ ഫോ​ട്ടോ​യെ​ടു​ത്തി​രി​ക്കു​ന്നു. അ​ന്നും ഇ​ന്നും ഇ​തി​നൊ​ന്നും ഇ​വി​ടെ ത​ട​സ്സ​മി​ല്ല.

പാ​ർ​ക്ക് ചെ​യ്ത കാ​റി​ൽ ചാ​രി​നി​ന്ന് സം​സാ​രി​ക്കു​ന്ന​തും കു​ട്ടി​ക​ൾ കാ​റി​ന്റെ ട്ര​ങ്കി​ന് മു​ക​ളി​ൽ ക​യ​റി ഇ​രി​ക്കു​ന്ന​തും ഇ​വി​ടെ സാ​ധാ​ര​ണ​മാ​ണ്. ഡ്രൈ​വ​ർ വ​ന്നാ​ൽ അ​വ​ർ സ്വ​യം മാ​റി​നി​ൽ​ക്കു​ക​യോ, മു​ക​ളി​ൽ​നി​ന്ന് ഇ​റ​ങ്ങി കാ​റി​ന് പോ​കാ​നു​ള്ള സൗ​ക​ര്യം ചെ​യ്തു​കൊ​ടു​ക്കു​ക​യോ ആ​ണ് പ​തി​വ്. ആ​ർ​ക്കും ഒ​രു പ​രാ​തി​യും ഉ​ണ്ടാ​കാ​റി​ല്ല.

ഈ ​അ​ടു​ത്ത കാ​ല​ത്താ​യി കേ​ര​ള​ത്തി​ൽ റി​പ്പോ​ർ​ട്ട് ചെ​യ്യു​ന്ന മി​ക്ക ക്രൂ​ര​കു​റ്റ​കൃ​ത്യ​ങ്ങ​ളി​ലും യു​വ​ജ​ന​ങ്ങ​ളു​ടെ പ​ങ്ക് ആ​ശ​ങ്ക സൃ​ഷ്ടി​ക്കു​ന്നു. ത​ല​ശ്ശേ​രി​യി​ൽ 20 വ​യ​സ്സു​ള്ള യു​വാ​വാ​ണ് കു​ട്ടി​യെ ആ​ക്ര​മി​ച്ച​ത്. പാ​റ​ശ്ശാ​ല​യി​ൽ ഷാ​രോ​ൺ രാ​ജി​നെ വി​ഷം കൊ​ടു​ത്തു കൊ​ല​പ്പെ​ടു​ത്തി​യ ഗ്രീ​ഷ്മ​യും ചെ​റു​പ്രാ​യ​ക്കാ​രി​യാ​ണ്. ക​ണ്ണൂ​ർ പാ​നൂ​രി​ൽ പ്രേ​മം നി​ര​സി​ച്ച​തി​ന്റെ പേ​രി​ൽ കൊ​ല​പ്പെ​ടു​ത്തി​യ​തും യു​വാ​ക്ക​ൾ ത​ന്നെ.

ഇ​ടു​ക്കി​യി​ൽ സ്വ​ത്ത് ത​ർ​ക്ക​വു​മാ​യി ബ​ന്ധ​പ്പെ​ട്ട് ഇ​രു​മ്പു​ദ​ണ്ഡ് ഉ​പ​യോ​ഗി​ച്ച് ബ​ന്ധു ന​ട​ത്തി​യ കൊ​ല​പാ​ത​ക​വും, ഇ​ല​ന്തൂ​രി​ലെ ന​ര​ബ​ലി​യും, വ​ർ​ക്ക​ല​യി​ൽ ക​ല്യാ​ണം ക​ഴി​ഞ്ഞ് ര​ണ്ടു മാ​സ​ത്തി​നു​ള്ളി​ൽ ഭാ​ര്യ​യെ ത​ല​ക്ക​ടി​ച്ചു കൊ​ല​പ്പെ​ടു​ത്തി​യ​തും, കൂ​ട​ത്താ​യി കൊ​ല​പാ​ത​ക പ​ര​മ്പ​ര​യു​മെ​ല്ലാം കേ​ര​ള​ത്തെ കു​റി​ച്ച ആ​ശ​ങ്ക​സൃ​ഷ്ടി​ക്കു​ന്ന​വ​യാ​ണ്.

മ​യ​ക്കു​മ​രു​ന്നു​മാ​യി ബ​ന്ധ​പ്പെ​ട്ട് ഒ​ട്ട​ന​വ​ധി കേ​സു​ക​ളാ​ണ് നി​ത്യ​വും റി​പ്പോ​ർ​ട്ട് ചെ​യ്യ​പ്പെ​ടു​ന്ന​ത്. ഇ​തി​ലും പ്ര​തി​ക​ളി​ൽ യു​വാ​ക്ക​ൾ ത​ന്നെ മു​ൻ​പ​ന്തി​യി​ൽ. പ​ഠ​ന​ത്തി​നൊ​പ്പം ന​ല്ല മ​നു​ഷ്യ​നാ​കാ​നു​ള്ള ക്ലാ​സു​ക​ളാ​ണ് കു​ട്ടി​ക​ൾ​ക്ക് അ​ത്യാ​വ​ശ്യ​മെ​ന്ന് ഇ​തെ​ല്ലാം തെ​ളി​യി​ക്കു​ന്നു. ന​ല്ല ഒ​രു ത​ല​മു​റ കേ​ര​ള​ത്തി​ൽ വാ​ർ​ത്തെ​ടു​ക്കാ​ൻ ഉ​ത​കു​ന്ന ന​ട​പ​ടി​ക​ൾ ഉ​ണ്ടാ​കേ​ണ്ടി​യി​രി​ക്കു​ന്നു.

രാ​ഷ്ട്രീ​യ ഇ​ട​പെ​ട​ലു​ക​ൾ കേ​ര​ള​ത്തി​ന്റെ മ​റ്റൊ​രു ശാ​പ​മാ​ണ്. ഉ​ദ്യോ​ഗ​സ്ഥ​ർ​ക്ക് കേ​സു​ക​ളു​മാ​യി കൃ​ത്യ​മാ​യി മു​ന്നോ​ട്ടു​പോ​കാ​ൻ പ​റ്റാ​ത്ത അ​വ​സ്ഥ വ​രു​ന്നു. ചി​ല സം​ഭ​വ​ങ്ങ​ളി​ൽ ഉ​ദ്യോ​ഗ​സ്ഥ​ർ ത​ന്നെ കേ​സു​ക​ൾ അ​ട്ടി​മ​റി​ക്കു​ന്നു. ആ​ദി​വാ​സി യു​വാ​വ് മ​ധു​വി​ന്റെ കൊ​ല​പാ​ത​കി​ക​ളെ ഇ​തു​വ​രെ മാ​തൃ​കാ​പ​ര​മാ​യി ശി​ക്ഷി​ക്കാ​ൻ ക​ഴി​ഞ്ഞി​ട്ടി​ല്ല എ​ന്ന​ത് എ​ത്ര സ​ങ്ക​ട​ക​ര​മാ​ണ്.