കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹും യു.കെ വിദേശകാര്യ, കോമൺവെൽത്ത് കാര്യ സെക്രട്ടറി ഡേവിഡ് ലാമിയും കൂടിക്കാഴ്ചയിൽ
കുവൈത്ത് സിറ്റി: ഔദ്യോഗിക സന്ദർശനത്തിന്റെ ഭാഗമായി കുവൈത്തിലെത്തിയ യു.കെ വിദേശകാര്യ, കോമൺവെൽത്ത് കാര്യ സെക്രട്ടറി ഡേവിഡ് ലാമി കിരീടാവകാശി ശൈഖ് സബാഹ് ഖാലിദ് അൽ ഹമദ് അൽ മുബാറക് അസ്സബാഹുമായി കൂടിക്കാഴ്ച നടത്തി. സെയ്ഫ് പാലസിൽ നടന്ന ചടങ്ങിൽ വിദേശകാര്യ മന്ത്രി അബ്ദുള്ള അൽ യഹ്യ, യൂറോപ്യൻ കാര്യങ്ങളുടെ വിദേശകാര്യ അസിസ്റ്റന്റ് മന്ത്രി അംബാസഡർ സാദിഖ് മറാഫി, യു.കെയിലെ കുവൈത്ത് അംബാസഡർ ബദർ അൽ മുനൈഖ്, കുവൈത്തിലെ യു.കെ അംബാസഡർ ബെലിൻഡ ലൂയിസ് എന്നിവരും പങ്കെടുത്തു.
പ്രധാനമന്ത്രി ശൈഖ് അഹ്മദ് അബ്ദുല്ല അൽ അഹ്മദ് അസ്സബാഹുമായും ഡേവിഡ് ലാമി പ്രത്യേക കൂടിക്കാഴ്ച നടത്തി. കുവൈത്തും യു.കെയും തമ്മിലുള്ള സവിശേഷ ഉഭയകക്ഷി ബന്ധം ഇരുവരും സൂചിപ്പിച്ചു. ഇത് ശക്തിപ്പെടുത്തുന്നതിനുള്ള വഴികൾ, വിവിധ മേഖലകളിലെ സഹകരണം വികസിപ്പിക്കുന്നതിനുള്ള ചട്ടക്കൂടുകളെക്കുറിച്ചും ചർച്ചകൾ നടന്നു. കുവൈത്തും യു.കെയും തമ്മിലുള്ള ഉഭയകക്ഷി ബന്ധം ശക്തിപ്പെടുത്തുന്നതിനും സംയുക്ത സഹകരണത്തെ പിന്തുണക്കുന്നതിനും വികസിപ്പിക്കുന്നതിനുമുള്ള വഴികൾ ചർച്ച ചെയ്യുന്നതിന്റെ ഭാഗമായാണ് ഡേവിഡ് ലാമി കുവൈത്തിലെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.