കുവൈത്ത് സിറ്റി: സർക്കാർ ഏകീകൃത ആപ്പായ സഹൽ വഴി അപ്പാർട്ട്മെന്റുകളിൽ രജിസ്റ്റർ ചെയ്തിരിക്കുന്ന വാടകക്കാരെ നീക്കം ചെയ്യാൻ ഇനി സൗകര്യം. പബ്ലിക് അതോറിറ്റി ഫോർ സിവിൽ ഇൻഫർമേഷൻ (പാസി) സഹൽ ആപ്ലിക്കേഷനിൽ പുതിയ ‘റെസിഡന്റ് റിമൂവൽ’ സേവനം ആരംഭിച്ചതായി അറിയിച്ചു.
സ്വകാര്യ സ്വത്ത് ഉടമകൾക്കായി മാത്രമാണ് ഈ സേവനം ലഭ്യമാക്കിയിരിക്കുന്നത്. ഇതോടെ റെസിഡന്റ് ഡാറ്റക്കായുള്ള പ്രീ-രജിസ്ട്രേഷൻ പൂർത്തിയാക്കിയ ശേഷം കെട്ടിടങ്ങളിൽ താമസക്കാരായി രജിസ്റ്റർ ചെയ്തിട്ടുള്ള വ്യക്തികളുടെ പേരുകൾ നീക്കം ചെയ്യാൻ ഉടമകൾക്ക് ഈ സേവനം ഉപയോഗിക്കാം. വിവിധ സേവനങ്ങൾ കൂടുതൽ ലളിതവും വേഗത്തിലുമാക്കുന്ന നടപടികളുടെ ഭാഗമായാണ് പുതിയ സംവിധാനം നടപ്പാക്കുന്നതെന്ന് അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.