കുവൈത്ത് സിറ്റി: കുവൈത്തിൽ ഒരു ഇന്ത്യക്കാരന് കൂടി കോവിഡ് 19 സ്ഥിരീകരിച്ചു. ഞായറാഴ്ച രോഗം സ്ഥിരീകരിച്ച 12 പേരിൽ ഒരാൾ ഇന്ത്യക്കാരനാണ്. ഇതോടെ രാജ്യത്ത് വൈറസ് ബാധ സ്ഥിരീകരിച്ച ഇന്ത്യക്കാരുടെ എണ്ണം മൂന്നായി.
ഞായറാഴ്ച കോവിഡ് സ്ഥിരീകരിച്ച 12 പേരിൽ ആറുപേരുടെ വിവരങ്ങൾ അധികൃതർ തിങ്കളാഴ്ച പുറത്തുവിട്ടു. ഇതിൽ അഞ്ചുപേർ സ്വദേശികളും ഒരാൾ ഇന്ത്യക്കാരനുമാണെന്ന് ആരോഗ്യ മന്ത്രാലയം വക്താവ് ഡോ. അബ്ദുല്ല അൽ സനദ് വാർത്താസമ്മേളനത്തിൽ അറിയിച്ചു.
ഈ ആറുപേരിൽ ഒരാൾ ബ്രിട്ടനിൽനിന്ന് വന്ന സ്വദേശിയാണ്. ഒരാൾ സ്പെയിനിൽനിന്ന് വന്ന സ്വദേശി വനിത. ഇന്ത്യക്കാരനടക്കം നാലുപേർ ബ്രിട്ടനിൽനിന്ന് വന്നവരുമായി സമ്പർക്കം പുലർത്തിയവരാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.