നാരായണ ഗുരുകുല ശതാബ്ദി ആഘോഷത്തിൽ സാരഥി കുവൈത്ത് ഗുരുദർശനവേദി അംഗങ്ങൾ
കുവൈത്ത് സിറ്റി: സാരഥി കുവൈത്ത് ഗുരുദർശനവേദി ആഭിമുഖ്യത്തിൽ വർക്കല നാരായണ ഗുരുകുല ശതാബ്ദി ആഘോഷിച്ചു. അബ്ബാസിയ ആർട്ട് സർക്കിൾ ഹാളിൽ നടന്ന പരിപാടിയിൽ ഗുരുദർശനവേദി ചീഫ് കോഓഡിനേറ്റർ ഷാജൻ കുമാർ സ്വാഗതം പറഞ്ഞു. സാരഥി കുവൈത്ത് പ്രസിഡന്റ് കെ.ആർ. അജി ഉദ്ഘാടനം ചെയ്തു.
ശതാബ്ദി ആഘോഷ പ്രസക്തിയെക്കുറിച്ചും പ്രാധാന്യത്തെക്കുറിച്ചും സാരഥി കുവൈത്ത് എജുക്കേഷനൽ ആൻഡ് ചാരിറ്റബിൾ ട്രസ്റ്റ് വൈസ് ചെയർമാൻ വിനോദ് ചീപ്പാറയിൽ വിശദീകരിച്ചു. നാരായണ ഗുരുകുലത്തിന്റെ ഒരുനൂറ്റാണ്ട് പിന്നിട്ട പ്രയാണത്തെ കുറിച്ച് നാരായണ ഗുരുകുലം ഗൃഹസ്ഥ ശിഷ്യനും സാരഥി ഗുരുദർശനവേദി മുൻ അഡ്വൈസറുമായ അജയകുമാർ മുഖ്യപ്രഭാഷണം നടത്തി.
ജനറൽ സെക്രട്ടറി ജയൻ സദാശിവൻ, ഗുരുദേവ ജയന്തി പ്രോഗ്രാം ജനറൽ കൺവീനർ എം.പി. ജിതേഷ്, മുൻ ട്രഷറർ അനിത് കുമാർ, സാരഥി കുവൈത്ത് ഹവല്ലി യൂനിറ്റ് കൺവീനർ വിമൽ, ചാരിറ്റി കമ്മിറ്റി ചീഫ് കോഓഡിനേറ്റർ കെ. ശ്രീകുമാർ എന്നിവർ സംസാരിച്ചു. സാരഥി കുവൈത്ത് ട്രഷറർ ദിനു കമൽ നന്ദി പറഞ്ഞു. ഗുരുദർശനവേദി കോഓഡിനേറ്റർ ഷാജൻ കുമാർ, അംഗങ്ങളായ വിനോദ് ചീപ്പാറയിൽ, മിനി സുജിത് എന്നിവർ പരിപാടി ഏകോപിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.