അറസ്റ്റിലായ പ്രതിയും പിടിച്ചെടുത്ത മയക്കുമരുന്നും
കുവൈത്ത് സിറ്റി: മയക്കുമരുന്ന് വിതരണക്കേസിൽ പ്രവാസി ഹൗസ് ഡ്രൈവർ പിടിയിൽ. ആവശ്യക്കാർക്ക് വെബ്സൈറ്റില് മയക്കുമരുന്നുകളുടെ വിവരങ്ങള് കൈമാറി നിശ്ചിത സ്ഥലങ്ങളില് പണം നിക്ഷേപിക്കാന് പറയുന്നതായിരുന്നു ഇയാളുടെ രീതി. തുടർന്ന് മയക്കുമരുന്ന് കൈമാറും. ഇതിനായി സ്പോണ്സറുടെ കാറാണ് ഉപയോഗിച്ചിരുന്നതെന്ന് സുരക്ഷാ ഉദ്യോഗസ്ഥര് പറഞ്ഞു. സ്പോണ്സർക്ക് ഈ കാര്യത്തിൽ അറിവുണ്ടായിരുന്നില്ല.
ചോദ്യം ചെയ്യലിൽ പ്രതി കുറ്റം സമ്മതിച്ചു. കൂടുതല് അന്വേഷണങ്ങള്ക്കും നിയമനടപടികള്ക്കുമായി പിടിയിലായ ആളെ ആന്റി നാര്ക്കോട്ടിക് ഡിപ്പാർട്മെന്റിന് കൈമാറി. രാജ്യത്ത് ലഹരിക്കടത്ത്, ഉപയോഗം, വിൽപ്പന എന്നിവക്കെതിരെ പരിശോധന ശക്തമാണ്. അടുത്തിടെ നിരവധി കേസുകളിൽ പ്രതികൾ പിടിയിലായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.