കുവൈത്ത് സിറ്റി: കുവൈത്തിൽ 25 പേർക്ക് കൂടി കോവിഡ് സ്ഥിരീകരിച്ചു. 45 പേർ രോഗമുക്തി നേടി. മരണം റിപ്പോർട്ട് ചെയ്തിട്ടില്ല. രാജ്യത്തെ കോവിഡ് മരണം 2460 ആയി തുടരുന്നു. ഇതുവരെ കുവൈത്തിൽ 4,12,506 പേർക്ക് കോവിഡ് സ്ഥിരീകരിക്കുകയും 4,09,568 പേർ രോഗമുക്തരാകുകയും ചെയ്തു. ബാക്കി 478 പേരാണ് കോവിഡ് ബാധിതരായി ഉള്ളത്. 15 പേർ മാത്രമേ ആശുപത്രിയിൽ ചികിത്സയിലുള്ളൂ. അഞ്ചുപേർ തീവ്രപരിചരണ വിഭാഗത്തിൽ കഴിയുന്നു. ബാക്കിയുള്ളവർ ഗുരുതരാവസ്ഥയോ രോഗലക്ഷണം പോലുമോ ഇല്ലാതെ ക്വാറൻറീനിൽ കഴിയുകയാണ്. 14,036 പേർക്ക് കൂടി പരിശോധന നടത്തി. രോഗസ്ഥിരീകരണ നിരക്ക് 0.18 ശതമാനം മാത്രമാണ്. ഗൾഫ് രാജ്യങ്ങളിൽ ആക്ടിവ് കോവിഡ് കേസുകൾ കുറവ് കുവൈത്തിലാണ്. കുവൈത്ത് (478), ഒമാൻ (517), ബഹ്റൈൻ (650), ഖത്തർ (988), സൗദി (2183), യു.എ.ഇ (3934) എന്നിങ്ങനെയാണ് വിവിധ ഗൾഫ് രാജ്യങ്ങളിലെ ആക്ടിവ് കോവിഡ് കേസുകൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.