കുവൈത്ത് സിറ്റി: പനിയുള്ളവരെ സൂപ്പർമാർക്കറ്റുകളിൽ പ്രവേശിപ്പിക്കരുതെന്ന് മുനിസിപ്പൽ മന്ത്രി വലീദ് അൽ ജ ാസിം ഉത്തരവിട്ടു. 37 ഡിഗ്രി സെൻറിഗ്രേഡിൽ കൂടുതൽ ശരീര ഉൗഷ്മാവ് ഉള്ളവരെയാണ് പ്രവേശിക്കാൻ പാടില്ലാത്തത്. തുറന്നു പ്രവർത്തിക്കാൻ അനുമതിയുള്ള റസ്റ്റാറൻറുകൾ, ഫാർമസികൾ, ഭക്ഷ്യവിപണനകേന്ദ്രങ്ങൾ, സൂപ്പർമാർക്കറ്റുകൾ തുടങ്ങിയ സ്ഥാപനങ്ങൾക്കായി പുതിയ മാർഗനിർദേശങ്ങൾ അധികൃതർ പുറത്തിറക്കി.
ഇതനുസരിച്ച് ചെറുകിട സ്ഥാപനങ്ങളിൽ അഞ്ചിൽ കൂടുതൽ ഉപഭോക്താക്കളെയും വലിയ സൂപ്പർമാർക്കറ്റുകളും മറ്റും പത്തിൽ കൂടുതൽ പേരെയും ഒരേസമയം പ്രവേശിപ്പിക്കാൻ പാടില്ല. സൂപ്പർ മാർക്കറ്റുകളിൽ ഉപഭോക്താക്കളുടെ ശരീര ഊഷ്മാവ് പരിശോധിച്ചശേഷമേ പ്രവേശിപ്പിക്കാവൂ, കൈയുറയും മാസ്ക്കും നിർബന്ധമായും ധരിച്ചിരിക്കണം തുടങ്ങിയവ നിർദേശത്തിലുണ്ട്. ഷോപ്പിങ് കേന്ദ്രങ്ങളിൽ കുട്ടികളുമായി പോകുന്നതിനും വിലക്കുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.