കുവൈത്ത് സിറ്റി: കുവൈത്തിൽ വിദേശികൾക്കും സ്വദേശികളെപോലെ തത്സമയം സിവിൽ െഎ.ഡി കാർഡ് നൽകുന്നത് പരിഗണനയിൽ. പുതിയ സംവിധാനം നടപ്പാകുേമ്പാൾ ഫീസ് അടച്ച് വ്യക്തിഗത വിവരങ്ങൾ നൽകുേമ്പാൾ ഉടൻ കാർഡ് കൈപ്പറ്റാം. ഇഖാമ പുതുക്കുന്ന ഘട്ടത്തിലാണ് ഇത് ഏറെ പ്രയോജനപ്പെടുക. പുതിയ വിസ അടിക്കുന്ന ഘട്ടത്തിൽ നിശ്ചിത നടപടിക്രമങ്ങൾ പൂർത്തിയാക്കേണ്ടിവരും. എമിഗ്രേഷൻ നടപടികൾക്ക് സിവിൽ ഐ.ഡി നിർബന്ധമാക്കിയതോടെ അപേക്ഷകരുടെ എണ്ണം ഗണ്യമായി വർധിച്ചിട്ടുണ്ട്.
സിവിൽ െഎ.ഡി വിതരണം ചെയ്യുന്ന കേന്ദ്രത്തിൽ പലപ്പോഴും വൻതിരക്കാണ് അനുഭവപ്പെടുന്നത്. സ്മാർട്ട് കാർഡുകളുടെ ലഭ്യതക്കുറവ് മൂലം ഏതാനും ആഴ്ചകളായി സിവിൽ ഐ.ഡി വിതരണത്തിൽ കാലതാമസം അനുഭവപ്പെട്ടിരുന്നു. രണ്ടാഴ്ചയായി അനുഭവപ്പെട്ടിരുന്ന തിരക്ക് ഇപ്പോൾ കുറഞ്ഞിട്ടുണ്ട്. ഒരാഴ്ചക്കിടെ 85,000 സിവിൽ െഎ.ഡി കാർഡുകൾ സിവിൽ ഇൻഫർമേഷൻ അതോറിറ്റി വിതരണം ചെയ്തു. സെക്യൂരിറ്റി ചിപ്പ് ഘടിപ്പിച്ച സ്മാർട്ട് കാർഡുകളിലാണ് സിവിൽ ഐ.ഡി പ്രിൻറ് ചെയ്യുന്നത്. വിദേശത്തുനിന്ന് ഇറക്കുമതിചെയ്യുന്ന കാർഡിെൻറ സ്റ്റോക്ക് കുറഞ്ഞതാണ് സിവിൽ ഐ.ഡി വിതരണം മന്ദഗതിയിലാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.