കുവൈത്ത് സിറ്റി: ഫഹാഹീലില്‍ സംസം വെള്ളം വില്‍പനക്കുവെച്ച കട ഉടമയെ വാണിജ്യ വ്യവസായ വകുപ്പ് പ്രോസിക്യൂഷനെ ഏൽപിച്ചു. ഫഹാഹീല്‍ ഭാഗങ്ങളില്‍ വാണിജ്യ വ്യവസായ വകുപ്പ് നടത്തിയ പരിശോധനയിലാണ് സംസം വെള്ളം വിൽപനക്കുവെച്ചതായി കണ്ടെത്തിയത്. 200 മി.മീറ്റര്‍ പ്ലാസ്റ്റിക് കുപ്പിയിലായിരുന്നു സംസം വെള്ളം വിൽപന നടത്തിയിരുന്നത്.
കുപ്പിയുടെ പുറം ഭാഗത്ത് സംസം വെള്ളം എന്ന എഴുത്തുള്ള സ്റ്റിക്കര്‍ പതിച്ചിരുന്നു. കച്ചവട ആവശ്യങ്ങള്‍ക്കായി സംസം വെള്ളം ഇറക്കുമതി ചെയ്യുന്നതും വില്‍പന നടത്തുന്നതും നിയമ വിരുദ്ധമാണ്. ജനങ്ങളുടെ ഉപയോഗത്തിനായി സംസം വെള്ളം രാജ്യത്തിലെത്തിക്കുന്നതില്‍ നിയമ തടസ്സങ്ങളില്ല. സംസം വെള്ളം വിൽപന നടത്തുന്നവര്‍ക്കെതിരെ ശക്തമായ നടപടിയെടുക്കുമെന്ന് വാണിജ്യ വകുപ്പ് അധികൃതര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.