കുവൈത്ത് സിറ്റി: തിങ്കളാഴ്ച മുതൽ രാജ്യത്ത് വീണ്ടും തണുപ്പ് ശക്തിപ്പെടുമെന്ന് മുന്ന റിയിപ്പ്. പ്രാദേശിക പത്രത്തിന് നൽകിയ അഭിമുഖത്തിൽ പ്രമുഖ ഗോള നിരീക്ഷകനും കാലാവസ് ഥ നിരീക്ഷകനുമായ ആദിൽ അൽ മർസൂഖ് ആണ് ഇക്കാര്യം അറിയിച്ചത്. ചിലപ്പോൾ ശക്തമായും മറ്റ് ചിലപ്പോൾ നേരിയ തോതിലും അടിച്ചുവീശുന്ന വടക്കൻ കാറ്റാണ് തണുപ്പിെൻറ കാഠിന്യം കൂട്ടുകയെന്നും മതിയായ മുൻകരുതൽ എടുക്കണമെന്നും അദ്ദേഹം പറഞ്ഞു. അതേസമയം, പുതുവർഷാരംഭത്തോടെ അന്തരീക്ഷ ഉൗഷ്മാവ് ഗണ്യമായി കുറഞ്ഞ് രാജ്യം അധിശൈത്യത്തിലേക്ക് വഴിമാറാൻ സാധ്യതയുണ്ട്.
ജനുവരി രണ്ടു മുതൽക്കായിരിക്കും ഈ പ്രതിഭാസം അനുഭവപ്പെടുക. ഈ ദിവസങ്ങളിൽ പുലർകാലത്ത് അന്തരീക്ഷ ഉൗഷ്മാവ് 2-8 ഡിഗ്രികൾക്കിടയിലായിരിക്കും. ജനുവരി പകുതിവരെ കാലാവസ്ഥ ഈ സ്ഥിതിയിൽ തുടർന്നേക്കാം. ജനുവരി 14 മുതൽ കാലാവസ്ഥ മറ്റൊരു ഘട്ടത്തിലേക്ക് പ്രവേശിക്കും. ഈ ദിവസങ്ങളിൽ 6-10 ഡിഗ്രികൾക്കിടയിലായിരിക്കും ചൂട്. ഫെബ്രുവരി അവസാനംവരെ ഈ പ്രതിഭാസം തുടരുമെന്നും ആദിൽ അൽ മർസൂഖ് കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.