കുവൈത്ത് സിറ്റി: കുവൈത്തിലേക്ക് ലാവോസിൽനിന്ന് തൊഴിലാളികളെ കൊണ്ടുവരാൻ ധാരണയായി. തൊഴിൽ- സാമൂഹികക്ഷേമമന്ത്രി ഹിന്ദ് അസ്സബീഹ് ലാവോസ് സന്ദർശിച്ചാണ് ഇക്കാര്യത്തിൽ ധാരണയിലെത്തിയത്. ഔദ്യോഗിക സന്ദർശന ഭാഗമായി ലാവോസിലെത്തിയ മന്ത്രി അവിടത്തെ തൊഴിൽ മന്ത്രിയുമായും തൊഴിൽ വകുപ്പ് അധികൃതരുമായും ചർച്ച നടത്തി. ഇതുമായി ബന്ധപ്പെട്ട തുടർ നടപടികൾ ഇരു രാജ്യങ്ങളിലെയും തൊഴിൽ മന്ത്രാലയങ്ങളുടെ ആഭിമുഖ്യത്തിൽ തുടരും. ഗാർഹിക തൊഴിലാളികൾക്കുപുറമെ സ്വകാര്യ മേഖലയിലെ കമ്പനികളിലേക്കും ലാവോസിൽനിന്ന് തൊഴിലാളികളെ ലഭ്യമാക്കാനാണ് നീക്കം. പദ്ധതി യാഥാർഥ്യമാകുന്നതോടെ പുതിയ രാജ്യക്കാർക്കുകൂടി കുവൈത്തിെൻറ തൊഴിൽ വിപണി ഉപയോഗപ്പെടുത്താനാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.