കെ.എം.സി.സി സംസ്ഥാന മതകാര്യ സമിതി സംഘടിപ്പിച്ച ഇസ്റാഅ് മിഅ്റാജ് അനുസ്മരണം
കുവൈത്ത് സിറ്റി: കെ.എം.സി.സി സംസ്ഥാന മതകാര്യ സമിതി ‘ഇസ്റാഅ് മിഅ്റാജ് ചരിത്രവും വർത്തമാനവും’ പരിപാടി സംഘടിപ്പിച്ചു. ഫർവാനിയ ദജീജ് മെട്രോ മെഡിക്കൽ ഹാളിൽ കുവൈത്ത് കെ.എം.സി.സി സംസ്ഥാന ആക്ടിങ് പ്രസിഡന്റ് റഊഫ് അൽ മശ്ഹൂർ തങ്ങൾ ഉദ്ഘാടനം ചെയ്തു. സംസ്ഥാന മതകാര്യ സമിതി ചെയർമാൻ ഇഖ്ബാൽ മാവിലാടം അധ്യക്ഷത വഹിച്ചു. ഉസ്മാൻ ദാരിമി അടിവാരം, സാജു ചെമ്മനാട് എന്നിവർ വിഷയം അവതരിപ്പിച്ചു.
കുവൈത്ത് കെ.എം.സി.സി സംസ്ഥാന ആക്ടിങ് ജനറൽ സെക്രട്ടറി ഗഫൂർ വയനാട്, ട്രഷറർ ഹാരിസ് വള്ളിയോത്ത്, വൈസ് പ്രസിഡന്റ് ഫാറൂഖ് ഹമദാനി, അഷ്റഫ് ഏകരൂൽ എന്നിവർ സംസാരിച്ചു. സംസ്ഥാന ഭാരവാഹികളായ എം.ആർ. നാസർ, ഡോ. മുഹമ്മദലി, ഫാസിൽ കൊല്ലം, മെട്രോ മെഡിക്കൽ ഗ്രൂപ് ചെയർമാൻ മുസ്തഫ ഹംസ പയ്യന്നൂർ തുടങ്ങിയവർ സന്നിഹിതരായിരുന്നു.
അഷ്റഫ് ദാരിമി ഖിറാഅത്ത് നടത്തി. സംസ്ഥാന മതകാര്യ സമിതി കൺവീനർ യഹ്യ ഖാൻ മൗലവി സ്വാഗതവും ഖാലിദ് പള്ളിക്കര നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.