സൈനികാഭ്യാസത്തിൽ കുവൈത്ത് ആർമി
കുവൈത്ത് സിറ്റി: മേഖലയിലെ അസാധാരണ സംഭവവികാസങ്ങളുടെ പശ്ചാത്തലത്തില് കുവൈത്ത് ആര്മി സൈനികാഭ്യാസം നടത്തി. 25ാമത് കമാൻഡോ ബ്രിഗേഡിന്റെ പങ്കാളിത്തത്തോടെയാണ് ‘ഡെസേർട്ട് ഹൊറൈസൺ’ അഭ്യാസ പ്രകടനം നടത്തിയത്. തത്സമയ വെടിമരുന്ന് ഉപയോഗിച്ചുള്ള അഭ്യാസത്തിൽ ഗ്രൗണ്ട് ഫോഴ്സ്, വിമാനം, അപ്പാഷെ ഹെലികോപ്ടറുകൾ അനുബന്ധ വിഭാഗങ്ങൾ എന്നിവ പങ്കാളികളായി.
ആർമി ജനറൽ സ്റ്റാഫ് മേധാവി മേജർ ജനറൽ ഡോ. ഗാസി അൽ ഷമാരിയും നിരവധി മുതിർന്ന സൈനിക കമാൻഡർമാരും പങ്കെടുത്തു. സൈന്യത്തിന്റെ കഴിവുകളും തയാറെടുപ്പുകളും മെച്ചപ്പെടുത്തുന്നതിന്റെ ഭാഗമായാണ് അഭ്യാസം സംഘടിപ്പിച്ചത്. രാജ്യത്തിനെതിരെയുള്ള ഏതു ഭീഷണിയും ചെറുക്കാന് സൈന്യം തയാറാണെന്ന് സായുധസേന വ്യക്തമാക്കി.
സൈന്യത്തോട് അതീവ ജാഗ്രത പുലര്ത്താന് ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് അഹമ്മദ് ഫഹദ് അൽ അഹമ്മദ് അസ്സബാഹ് നേരത്തേ നിർദേശം നല്കിയിരുന്നു. ഫലസ്തീനില് ഇസ്രായേല് വിഷയങ്ങളെ തുടർന്ന് അറബ് മേഖലയില് പൊതുവെ നിലനില്ക്കുന്ന സംഘര്ഷസാധ്യത കണക്കിലെടുത്താണ് നിർദേശം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.