കെ.എം.സി.സി കാസർകോട് ജില്ല കമ്മിറ്റി പ്രവർത്തകസംഗമം റഊഫ് മശ്ഹൂർ തങ്ങൾ ഉദ്ഘാടനം ചെയ്യുന്നു
കുവൈത്ത് സിറ്റി: കെ.എം.സി.സി കാസർകോട് ജില്ല കമ്മിറ്റി പ്രവർത്തകസംഗമവും വനിത വിങ് സംസ്ഥാന ഭാരവാഹികൾക്കുള്ള സ്വീകരണവും കലാവിരുന്നും സംഘടിപ്പിച്ചു. മങ്കഫ് പ്രൈം ഓഡിറ്റോറിയത്തിലെ പരിപാടി കെ.എം.സി.സി സ്റ്റേറ്റ് ആക്ടിങ് പ്രസിഡന്റ് റഊഫ് മശ്ഹൂർ തങ്ങൾ ഉദ്ഘാടനം ചെയ്തു. ജില്ല പ്രസിഡന്റ് റസാഖ് അയ്യൂർ അധ്യക്ഷതവഹിച്ചു. സംസ്ഥാന ആക്ടിങ് ജനറൽ സെക്രട്ടറി ഗഫൂർ വയനാട്, വൈസ് പ്രസിഡന്റ് ഇഖ്ബാൽ മാവിലാടം, ഉപദേശക സമിതി അംഗം ബഷീർ ബാത്ത, അഷ്റഫ് അയ്യൂർ, മൻസൂർ ചൂരി, സലാം കളനാട്, കെ.എം.സി.സി വനിത വിങ് പ്രസിഡന്റ് ഡോ.സഹീമ മുഹമ്മദ്, ജനറൽ സെക്രട്ടറി അഡ്വ. ഫാത്തിമ സൈറ, ട്രഷറർ ഫാത്തിമ അബ്ദുൽ അസീസ് എന്നിവർ ആശംസ നേർന്നു.
ഇ.കെ. മുസ്തഫ കോട്ടപ്പുറം, സിജി കുവൈത്ത് ചെയർമാൻ കെ. അബ്ദുൽ അസീസ് എന്നിവർ ക്ലാസുകൾ കൈകാര്യം ചെയ്തു. സുലൈഖ മുഹമ്മദ്, സുഹ്റ അബ്ദുൽ അസീസ്, ഷബാന അബ്ദുൽ ഗഫൂർ എന്നിവർ വനിത വിങ് ഭാരവാഹികൾക്ക് ഹാരാർപ്പണം നടത്തി. പ്രവാസ ജീവിതം അവസാനിപ്പിച്ചു നാട്ടിലേക്ക് തിരിക്കുന്ന സംസ്ഥാന ഉപദേശക സമിതി അംഗം ഇസ്മായിൽ ബേവിഞ്ചക്കുള്ള ജില്ല കമ്മിറ്റിയുടെ മെമന്റോ പ്രസിഡന്റ് റസാഖ് അയ്യൂർ അദ്ദേഹത്തിന് കൈമാറി. ഹസ്സൻ ഹാജി തഖ്വ ഖിറാഅത്ത് നടത്തി. ജില്ല ജനറൽ സെക്രട്ടറി മിസ്ഹബ് മാടമ്പില്ലത്ത് സ്വാഗതവും ട്രഷറർ ഖുത്തുബുദ്ദീൻ നന്ദിയും പറഞ്ഞു. ജില്ല ഭാരവാഹികളായ ഫാറൂഖ് തെക്കേക്കാട്, സുഹൈൽ ബല്ല, കബീർ തളങ്കര, റഫീഖ് ഒളവറ, ഖാലിദ് പള്ളിക്കര, മുത്തലിബ് തെക്കേക്കാട് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.