വിദ്യാർത്ഥി ഫെസ്റ്റ് പോസ്റ്റർ പ്രകാശനം സ്വാഗത സംഘം
കമ്മിറ്റി ഭാരവാഹികൾ നിർവഹിക്കുന്നു
കുവൈത്ത് സിറ്റി: കുവൈത്ത് ഇസ്ലാമിക് കൗൺസിൽ (കെ.ഐ.സി) കീഴിൽ പ്രവർത്തിക്കുന്ന ഫഹാഹീൽ - ദാറു തഅ്ലീമിൽ ഖുർആൻ മദ്റസ വിദ്യാർഥി ഫെസ്റ്റ് 2024 സംഘടിപ്പിക്കുന്നു.
ഫെബ്രുവരി രണ്ടിന് നടക്കുന്ന പരിപാടിയിൽ എൽ.കെ.ജി മുതൽ +2 വരെ യുള്ള 160 ലധികം വരുന്ന വിദ്യാർഥികളും രക്ഷിതാക്കളും അധ്യാപകരും പങ്കെടുക്കും.
വഫ്ര സിദ്റ റിസോർട്ടിലാണ് പരിപാടി. വിദ്യാർഥികൾക്കുവേണ്ടി വിവിധ തരം ആക്ടിവിറ്റികൾ, കരിയർ ഗൈഡൻസ്, ഉന്നത വിജയം കരസ്ഥമാക്കിയിട്ടുള്ള വിദ്യാർഥികൾക്കുള്ള സമ്മാനദാനം തുടങ്ങിയവയും ഉണ്ടായിരിക്കും. പരിപാടിയിൽ പങ്കെടുക്കുന്ന മുഴുവൻ ആളുകൾക്കും ഭക്ഷണവും വാഹന സൗകര്യങ്ങളും തയാറാക്കിയിട്ടുണ്ടെന്ന് മദ്റസ കമ്മിറ്റി ഭാരവാഹികൾ അറിയിച്ചു. അബ്ദുസ്സലാം പെരുവള്ളൂർ പ്രോഗ്രാം കമ്മിറ്റി ചെയർമാനും ഇല്യാസ് ബഹഹസൻ തങ്ങൾ ജനറൽ കൺവീനറുമായ പരിപാടിയുടെ സ്വാഗത കമ്മിറ്റി രൂപവത്കരിച്ചു.
മുഹമ്മദ് എ.ജി, ശിഹാബ് മാസ്റ്റർ, എൻജിനീയർ മുനീർ പെരുമുഖം, നാസർ കാപ്പാട്, തസ്ലീം, മുഷ്താഖ് നഹ എന്നിവരാണ് മറ്റ് അംഗങ്ങൾ. പരിപാടിയുടെ പ്രചാരണ കാമ്പയിൻ പോസ്റ്റർ സ്വാഗത സംഘം കമ്മിറ്റി ഭാരവാഹികൾ പ്രകാശനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.