കേരളൈറ്റ് എൻജിനീയേഴ്സ് അസോസിയേഷൻ ലേഡീസ് ത്രോബാൾ ടൂർണമെന്റ് ടീം അംഗങ്ങളും സംഘാടകരും
കുവൈത്ത് സിറ്റി: കേരളൈറ്റ് എൻജിനീയേഴ്സ് അസോസിയേഷൻ ലേഡീസ് ത്രോബോൾ ലീഗ് ടൂർണമെന്റിൽ കേരള ടസ്കേഴ്സിന് കിരീടം. ഫഹാഹീൽ സ്പോർട്സ് ക്ലബിൽ നടന്ന ടൂർണമെന്റിൽ കേരള ടസ്കേഴ്സ്, യലിമിനേറ്റേഴ്സ്, ബീറ്റ ഹൗസ്, വേണാട് വാരിയേഴ്സ് എന്നിവ ഏറ്റുമുട്ടി. ഫൈനലിൽ യലിമിനേറ്റേഴ്സ് ടീമിനെ കീഴടക്കി കേരള ടസ്കേഴ്സ് വിജയകിരീടം സ്വന്തമാക്കി.
ടൂർണമെന്റിലെ മികച്ച പ്ലെയറായി ജാൻസി (കേരള ടസ്കേഴ്സ്), മികച്ച സർവറായി റഹീന കമാൽ (വേണാട് വാരിയേഴ്സ്), പ്രോമിസിങ് പ്ലയറായി സെറിൻ (കേരള ടസ്കേഴ്സ്) എന്നിവരെ തെരഞ്ഞെടുത്തു.
ടൂർണമെന്റ് കേരളൈറ്റ് എൻജിനീയേഴ്സ് അസോസിയേഷൻ പ്രസിഡന്റ് എബി സാമുവൽ ഉദ്ഘാടനം ചെയ്തു. ജോയിന്റ് സെക്രട്ടറി സ്റ്റീഫൻ പൊടിക്കുഞ്ഞ് സ്വാഗതം ആശംസിച്ചു. കായിക വിഭാഗം സെക്രട്ടറി സിബു തോമസ്, ജോ.സെക്രട്ടറി ആതിര അജയ്, ഗെയിം കമ്മീഷണർ ലിന്ത, സ്വപ്ന എന്നിവർ പരിപാടികൾ ഏകോപിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.