സിന്ധു രമേശിന് കേരളീയ സമാജം കുവൈത്തിന്റെ ഉപഹാരം കൈമാറുന്നു
കുവൈത്ത് സിറ്റി: ചലച്ചിത്ര പിന്നണി ഗായികയും അധ്യാപികയുമായ സിന്ധു രമേശിന് കേരളീയ സമാജം കുവൈത്ത് യാത്രയയപ്പ് നൽകി. പ്രസിഡന്റ് തോമസ് പള്ളിക്കൽ അധ്യക്ഷതവഹിച്ചു.
ജനറൽ സെക്രട്ടറി ജെയിംസ് വി കൊട്ടാരം, ട്രഷറർ മുസ്തഫ കോഴിക്കോട്, ബിനു തോമസ് നിലമ്പൂർ, ഷാഫി മക്കാത്തി, സൈജു മാമൻ, ഷിജു ഓതറ, ബിജി പള്ളിക്കൽ, മുഹമ്മദ് റാഫി എന്നിവർ ആശംസ നേർന്നു. തോമസ് പള്ളിക്കൽ സിന്ധു രമേശിനെ പൊന്നാട അണിയിച്ചു ആദരിച്ചു.
എക്സിക്യൂട്ടിവ് അംഗങ്ങളുടെ നേതൃത്വത്തിൽ മെമന്റോ കൈമാറി. മലയാള സിനിമയിൽ നിരവധി ഹിറ്റ് ഗാനങ്ങൾ ആലപിച്ച സിന്ധു രമേശ് കുവൈത്തിൽ അധ്യാപികയായി വർഷങ്ങളായി ജോലി ചെയ്തതിനു ശേഷമാണ് നാട്ടിലേക്ക് തിരിക്കുന്നത്. കേരളീയ സമാജം കുവൈത്ത് എക്സിക്യൂട്ടിവ് അംഗങ്ങളായ, വിത്സൻ ആന്റണി,പ്രദീപ് കൊല്ലം, ജ്യോതിഷ് മോൻ പാലാ,ബിനു തങ്കച്ചൻ,ബിനോയ് അടിമാലി, രദീപ് അടൂർ എന്നിവർ യാത്രയയപ്പ് ചടങ്ങിന് നേതൃത്വം നൽകി. സിന്ധു രമേശ് പാടിയ പാട്ടുകൾ, കലാപരിപാടികൾ എന്നിവയും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.