കുവൈത്ത് സിറ്റി: കൃത്രിമ ഹൃദയം വെച്ചുപിടിപ്പിക്കുന്നതിൽ കുവൈത്തിന് വിജയം. 14കാരനായ കുവൈത്തി ബാലനാണ് സങ്കീർണമായ ശസ്ത്രക്രിയയിലൂടെ കൃത്രിമ ഹൃദയം ഘടിപ്പിച്ചത്. ഈ ഇനത്തിൽ പശ്ചിമേഷ്യയിൽ നടക്കുന്ന ആദ്യ ശസ്ത്രക്രിയയാണിത്. അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹിെൻറ പ്രത്യേക നിർദേശപ്രകാരമാണ് ആരോഗ്യമന്ത്രാലയം ഈ ദൗത്യം ഏറ്റെടുത്തത്. അദാൻ ആശുപത്രിയിലെ അൽ ദബ്ബൂസ് ഹാർട്ട് സെൻററിലാണ് ഏഴു മണിക്കൂർ നീണ്ട ശസ്ത്രക്രിയ അരങ്ങേറിയത്. ശസ്ത്രക്രിയക്ക് നേതൃത്വം നൽകിയ ഡോക്ടർമാരെ ആരോഗ്യമന്ത്രി ഡോ. ബാസിൽ അൽ സബാഹ് അഭിനന്ദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.