കുവൈത്ത് സിറ്റി: പ്രമുഖ റീട്ടെയിൽ സ്ഥാപനമായ ഗ്രാൻഡ് ഹൈപ്പറിന്റെ 36ാമത് ശാഖ സാൽമിയയിൽ പ്രവർത്തനമാരംഭിച്ചു. സാൽമിയ ബ്ലോക്ക് 11ൽ മൂസാ അൽ അബ്ദുറസാഖ് സ്ട്രീറ്റിലാണ് പുതിയ ഗ്രാൻഡ് ഫ്രഷ് തുറന്നത്. ഗ്രാൻഡ് ഹൈപ്പർ കുവൈത്ത് ചെയർമാൻ ജാസിം ഖമീസ് അൽ ശറാഹ് പുതിയ ഔട്ട് ലെറ്റ് ഉപഭോക്താക്കൾക്കായി തുറന്നുകൊടുത്തു. എക്സിക്യൂട്ടീവ് ഡയറക്ടർ അമാനുല്ല, സി.ഇ.ഒ മുഹമ്മദ് സുനീർ, ഡി.ആർ.ഒ തഹ്സീർ അലി, വിശിഷ്ടാതിഥികൾ, മാനേജ്മെന്റ് പ്രതിനിധികൾ, അഭ്യുദയകാംക്ഷികൾ എന്നിവർ ഉത്സവാന്തരീക്ഷത്തിൽ നടന്ന ഉദ്ഘാടന ചടങ്ങിൽ പങ്കെടുത്തു. നിത്യോപയോഗ സാധനങ്ങൾ ഉൾക്കൊള്ളിച്ചുള്ള ഗ്രാൻഡ് ഫ്രഷ് പ്രദേശത്തെ താമസക്കാർക്ക് സൗകര്യപ്രദമായ രീതിയിലാണ് ഒരുക്കിയിട്ടുള്ളത്. ലോകമെമ്പാടുമുള്ള പഴവർഗങ്ങൾ, പച്ചക്കറികൾ എന്നിവയുടെ വിപുലമായ ശേഖരം ഔട്ട്ലെറ്റിലുണ്ട്. പ്രവാസികളുടെയും കുവൈത്ത് പൗരന്മാരുടെയും അഭിരുചികളും ആവശ്യങ്ങളും നിറവേറ്റുന്ന വൈവിധ്യമാർന്ന ഉൽപന്നങ്ങളും ലഭ്യമാണ്. ഉദ്ഘാടനത്തോടനുബന്ധിച്ച് പഴം, പച്ചക്കറികൾ, മറ്റു നിത്യോപയോഗ ഉൽപന്നങ്ങൾ എന്നിവക്ക് ആകർഷകമായ വിലക്കിഴിവ് പ്രഖ്യാപിച്ചിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.