കുവൈത്ത് സിറ്റി: പ്രവാസികൾക്ക് രാജ്യത്തിന് പുറത്തേക്ക് യാത്ര ചെയ്യാനുള്ള എക്സിറ്റ് പെർമിറ്റിന് ലളിതമായി സഹൽ ആപ്പുവഴി അപേക്ഷിക്കാം. ഇതിനായി സഹൽ ആപ്പിൽ ഇംഗ്ലീഷ് ഭാഷാവിഭാഗം ആരംഭിച്ചു. നേരത്തെ സേവനങ്ങൾ ഇംഗ്ലീഷിൽ ലഭ്യമായിരുന്നില്ല. കുവൈത്തിൽനിന്ന് പുറത്തേക്ക് യാത്ര ചെയ്യാൻ ജൂലൈ ഒന്നു മുതൽ എക്സിറ്റ് പെർമിറ്റ് നിർബന്ധമാണ്.
യാത്രയുടെ 24 മണിക്കൂർ മുമ്പ് എങ്കിലും എക്സിറ്റ് പെർമിറ്റ് ലഭിച്ചുവെന്ന് ഉറപ്പാക്കുക. സഹൽ ആപ്പുവഴി തൊഴിലാളികൾ സമർപ്പിക്കുന്ന അപേക്ഷ തൊഴിലുടമകൾക്ക് സഹൽ ബിസിനസ് ആപ്പ് വഴി അവലോകനം ചെയ്യാനും അംഗീകരിക്കാനും കഴിയും. അപേക്ഷകർ ടിക്കറ്റ് പ്രകാരമുള്ള യാത്രാദിവസമാണ് എക്സിറ്റ് പെർമിറ്റ് തിയതിയായി നൽകണ്ടേത്. എക്സിറ്റ് പെർമിറ്റ് അപേക്ഷ നൽകിയതിനു ശേഷം തൊഴിലുടമ പ്രതികരിക്കുന്നതിൽ വൈകുകയോ സാധുവായ കാരണമില്ലാതെ അഭ്യർഥന നിരസിക്കുകയോ ചെയ്താൽ മാൻപവർ അതോറിറ്റിൽ പരാതിയും നൽകാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.