കുവൈത്ത് സിറ്റി: കേരള ഇസ്ലാമിക് ഗ്രൂപ് (കെ.െഎ.ജി) വെസ്റ്റ് മേഖലകമ്മിറ്റി ‘ആശയപ്രചാരണം കുറ്റകരമോ’ വിഷയത്തിൽ ടേബ്‌ൾ ടോക്ക്‌ സംഘടിപ്പിച്ചു.
കെ.ഐ.ജി കേന്ദ്ര സെക്രട്ടറി അനീസ് ഫാറൂഖി വിഷയാവതരണം നടത്തി.
അക്ഷരങ്ങളെ ആയുധങ്ങൾ കൊണ്ടും ആശയങ്ങളെ അക്രമം കൊണ്ടും ആവിഷ്കാരങ്ങളെ അസഹിഷ്ണുത കൊണ്ടും നേരിടുകയാണ് ഫാഷിസ്റ്റ് ശൈലിയെന്നും ഇന്ത്യയുടെ സാംസ്കാരിക വൈവിധ്യങ്ങളുടേതായ മനോഹാരിതക്കും ഭരണഘടനയുടെ പവിത്രതക്കും കോട്ടം തട്ടിക്കുന്നതാണ് സമകാലികസംഭവങ്ങളെന്നും അനീസ് ഫാറൂഖി പറഞ്ഞു. വൈസ് പ്രസിഡൻറ് സക്കീർ ഹുസൈൻ തുവ്വൂർ മോഡറേറ്ററായിരുന്നു. വെസ്റ്റ് മേഖല പ്രസിഡൻറ് ഫിറോസ് ഹമീദ് അധ്യക്ഷത വഹിച്ചു. അനീസ് അബ്ദുൽ സലാം സ്വാഗതം പറഞ്ഞു. ഫൈസൽ മഞ്ചേരി അടക്കം നിരവധി പേർ ചർച്ചയിൽ പങ്കെടുത്ത് സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.