പൊ​തു​മാ​പ്പ് അ​വ​സാ​നി​ക്കാ​ന്‍ ദി​വ​സ​ങ്ങ​ൾ; നി​യ​മ​ലം​ഘ​ക​ർ​ക്ക് മു​ന്ന​റി​യി​പ്പ്

കു​വൈ​ത്ത് സി​റ്റി: രാ​ജ്യ​ത്ത് പൊ​തു​മാ​പ്പ് അ​വ​സാ​നി​ക്കാ​ന്‍ ഇ​നി ദി​വ​സ​ങ്ങ​ൾ മാ​ത്രം. ഈ ​കാ​ല​യ​ള​വി​ൽ നി​യ​മ​ലം​ഘ​ക​ർ രാ​ജ്യം വി​ടു​ക​യോ പി​ഴ അ​ട​ച്ച് താ​മ​സം നി​യ​മ വി​ധേ​യ​മാ​ക്കു​യോ ചെ​യ്യ​ണ​മെ​ന്ന് ആ​ഭ്യ​ന്ത​ര​മ​ന്ത്രാ​ല​യം ഉ​ണ​ർ​ത്തി. ആ​നു​കൂ​ല്യം ഉ​പ​യോ​ഗി​ക്കാ​തെ രാ​ജ്യ​ത്ത് തു​ട​രു​ന്ന​വ​ർ​ക്കെ​തി​രെ ക​ടു​ത്ത ന​ട​പ​ടി സ്വീ​ക​രി​ക്കു​മെ​ന്നും ആ​ഭ്യ​ന്ത​ര മ​ന്ത്രാ​ല​യം മു​ന്ന​റി​യി​പ്പു ന​ൽ​കി.

മാ​ർ​ച്ച് 17 മു​ത​ൽ മൂ​ന്ന് മാ​സ​ത്തേ​ക്ക് രാ​ജ്യ​ത്ത് പ്ര​ഖ്യാ​പി​ച്ച പൊ​തു​മാ​പ്പ് കാ​ലാ​വ​ധി ജൂ​ൺ 17ന് ​അ​വ​സാ​നി​ക്കും. ഈ ​കാ​ല​യ​ള​വി​ൽ താ​മ​സ നി​യ​മ ലം​ഘ​ക​ർ​ക്ക് ശി​ക്ഷ കൂ​ടാ​തെ രാ​ജ്യം വി​ടാ​നും പി​ഴ അ​ട​ച്ച് താ​മ​സ​രേ​ഖ പു​തു​ക്കാ​നും ക​ഴി​യും. ഇ​ത്ത​ര​ക്കാ​ർ പു​തി​യ വി​സ​യി​ൽ രാ​ജ്യ​ത്തേ​ക്ക് മ​ട​ങ്ങി​വ​രാ​നും ക​ഴി​യും. നി​യ​മ​ലം​ഘ​ക​ർ പൊ​തു​മാ​പ്പ് നി​ശ്ചി​ത കാ​ല​യ​ള​വി​ന​കം പ്ര​യോ​ജ​ന​പ്പെ​ടു​ത്തി രാ​ജ്യം വി​ടു​ക​യോ താ​മ​സം നി​യ​മ​വി​ധേ​യ​മാ​ക്കു​ക​യോ ചെ​യ്യ​ണം. ജൂ​ൺ 17ന് ​ശേ​ഷം അ​ന​ധി​കൃ​ത​മാ​യി രാ​ജ്യ​ത്ത് തു​ട​രു​ന്ന​വ​ർ​ക്കെ​തി​രെ ശ​ക്ത​മാ​യ ന​ട​പ​ടി​ക​ൾ ആ​രം​ഭി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി.

ആ​നു​കൂ​ല്യം ഉ​പ​യോ​ഗി​ക്കാ​ത്ത​വ​ര്‍ക്കെ​തി​രെ ആ​ജീ​വ​നാ​ന്ത വി​ല​ക്കേ​ർ​പ്പെ​ടു​ത്തി നാ​ടു​ക​ട​ത്ത​ല്‍ ഉ​ള്‍പ്പ​ടെ​യു​ള്ള ക​ര്‍ശ​ന ന​ട​പ​ടി​ക​ള്‍ സ്വീ​ക​രി​ക്കും. അ​ന​ധി​കൃ​ത​മാ​യി ക​ഴി​യു​ന്ന​വ​ര്‍ക്ക് സ​ഹാ​യ​ങ്ങ​ള്‍ ന​ല്‍കു​ന്ന​വ​ര്‍ക്കെ​തി​രെ​യും നി​യ​മ​ന​ട​പ​ടി​ക​ള്‍ സ്വീ​ക​രി​ക്കു​മെ​ന്ന് ആ​ഭ്യ​ന്ത​ര മ​ന്ത്രാ​ല​യം റ​സി​ഡ​ൻ​സി അ​ഫ​യേ​ഴ്സ് അ​ണ്ട​ർ സെ​ക്ര​ട്ട​റി മേ​ജ​ർ ജ​ന​റ​ൽ അ​ലി അ​ൽ അ​ദ്‌​വാ​നി പ​റ​ഞ്ഞു. സാ​മ്പ​ത്തി​ക കേ​സു​ക​ളി​ല്‍ പെ​ട്ട് യാ​ത്രാ​വി​ല​ക്ക് നേ​രി​ടു​ന്ന​വ​ർ​ക്ക് കേ​സി​ൽ തീ​ർ​പ്പു​ണ്ടാ​യാ​ൽ മാ​ത്ര​മേ പൊ​തു​മാ​പ്പ് പ്ര​യോ​ജ​ന​പ്പെ​ടു​ത്താ​നാ​കൂ. രാ​ജ്യ​ത്ത് നി​ല​വി​ല്‍ ഒ​രു ല​ക്ഷ​ത്തി​ലേ​റെ അ​ന​ധി​കൃ​ത താ​മ​സ​ക്കാ​ർ ഉ​ണ്ടെ​ന്നാ​ണ് ക​ണ​ക്ക്. വ​ർ​ഷ​ങ്ങ​ളാ​യി നി​യ​മ​ലം​ഘ​ക​രാ​യി ക​ഴി​യു​ന്ന ഇ​ന്ത്യ​ക്കാ​ര്‍ ഉ​ൾ​പ്പെ​ടെ​യു​ള്ള പ്ര​വാ​സി​ക​ള്‍ക്ക് പൊ​തു​മാ​പ്പ് ആ​ശ്വാ​സ​മാ​കു​മെ​ന്നാ​ണ് പ്ര​തീ​ക്ഷ. ഇ​തി​ന​കം നി​ര​വ​ധി ​പേ​ർ പൊ​തു​മാ​പ്പ് ഉ​പ​യോ​ഗ​പ്പെ​ടു​ത്തി നാ​ട്ടി​ലേ​ക്ക് തി​രി​ക്കു​ക​യും പി​ഴ അ​ട​ച്ചു രേ​ഖ​ക​ൾ നി​യ​മ​പ​ര​മാ​ക്കു​ക​യും ചെ​യ്തി​ട്ടു​ണ്ട്.

കോ​ൺ​സു​ല​ർ ആ​പ്ലി​ക്കേ​ഷ​ൻ കേ​ന്ദ്ര​ങ്ങ​ളെ സ​മീ​പി​ക്കാം

കു​വൈ​ത്ത് സി​റ്റി: പൊ​തു​മാ​പ്പു​മാ​യി ബ​ന്ധ​പ്പെ​ട്ട് ഇ​ന്ത്യ​ക്കാ​ര്‍ക്കാ​യി ഇ​ന്ത്യ​ന്‍ എം​ബ​സി മാ​ര്‍ഗ്ഗ​നി​ര്‍ദേ​ശ​ങ്ങ​ള്‍ പു​റ​പ്പെ​ടു​വി​ച്ചി​ട്ടു​ണ്ട്. നാ​ട്ടി​ലേ​ക്കു പോ​കാ​ൻ പാ​സ്​​പോ​ർ​ട്ടോ മ​റ്റ് രേ​ഖ​ക​ളോ ഇ​ല്ലാ​ത്ത​വ​ർ​ക്ക് ഇ​ന്ത്യ​ന്‍ എം​ബ​സി പാ​സ്‌​പോ​ർ​ട്ടും എ​മ​ർ​ജ​ൻ​സി സ​ർ​ട്ടി​ഫി​ക്ക​റ്റും ന​ൽ​കും. ഇ​തി​നാ​യി വെ​ള്ളി​യാ​ഴ്ച ഒ​ഴി​കെ​യു​ള്ള എ​ല്ലാ പ്ര​വൃ​ത്തി ദി​വ​സ​ങ്ങ​ളി​ലും ഉ​ച്ച​ക്ക് ര​ണ്ടു മ​ണി മു​ത​ൽ നാ​ലു മ​ണി വ​രെ ഇ​ന്ത്യ​ൻ എം​ബ​സി​യു​ടെ കേ​ന്ദ്ര​ങ്ങ​ളി​ല്‍ അ​പേ​ക്ഷ ന​ൽ​കാം. ഫ​ഹാ​ഹീ​ല്‍, അ​ബ്ബാ​സി​യ, കു​വൈ​ത്ത് സി​റ്റി, ജ​ഹ്റ എ​ന്നി​വി​ട​ങ്ങ​ളി​ലെ ഇ​ന്ത്യ​ൻ കോ​ൺ​സു​ല​ർ ആ​പ്ലി​ക്കേ​ഷ​ൻ സെ​ന്‍റ​റു​ക​ളി​ല്‍ ആ​വ​ശ്യ​മാ​യ ക്ര​മീ​ക​ര​ണ​ങ്ങ​ള്‍ ഒ​രു​ക്കി​യി​ട്ടു​ണ്ട്. ഈ ​രേ​ഖ​ക​ളു​മാ​യാ​ണ് ഗ​വ​ർ​ണ​റേ​റ്റു​ക​ളി​ലെ റ​സി​ഡ​ൻ​സി അ​ഫ​യേ​ഴ്‌​സ് ഡി​പ്പാ​ർ​ട്മെ​ന്‍റു​ക​ളി​ൽ അ​പേ​ക്ഷ ന​ൽ​കേ​ണ്ട​ത്.