കുവൈത്ത് സിറ്റി: ചൈനയിൽനിന്ന് മരുന്നും ചികിത്സാ ഉപകരണങ്ങളുമായി ആറാമത് വിമാനം കുവൈത്തിലെത്തി. കുവൈത്ത് വ ്യോമസേനയുടെ വിമാനത്തിലാണ് മരുന്ന് എത്തിച്ചത്. കുവൈത്ത് ആരോഗ്യ മന്ത്രാലയത്തിന് സ്ട്രാറ്റജിക് സ്റ്റോക്ക് ഉറപ്പുവരുത്താനാണ് മരുന്നെത്തിച്ചത്. ഒാരോ വിമാനത്തിലും 50 ടൺ ഉൽപന്നങ്ങളാണ് ഉണ്ടായിരുന്നത്. ചൈനീസ് മെഡിക്കൽ സംഘം നിലവിൽ കുവൈത്തിൽ സേവനം ചെയ്യുന്നുണ്ട്. പകർച്ചവ്യാധി കൈകാര്യം ചെയ്യുന്നതിൽ പ്രത്യേക പരിശീലനം ലഭിച്ച മെഡിക്കൽ സംഘമാണ് കുവൈത്തിലുള്ളത്. ഫീൽഡ് ടൂറുകളും ആരോഗ്യ മന്ത്രാലയത്തിന് കീഴിലെ വിദഗ്ധരുമായുള്ള ചർച്ചകളുമാണ് അജണ്ടയിലുള്ളത്. സംഘം വ്യാഴാഴ്ച തിരിച്ചുപോവും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.